कुमारी बैंकको संस्थापक शेयर बिक्रीमा, कसले आवेदन दिन पाउने ?

२१ फागुन, काठमाडौं । कुमारी बैंकले संस्थापक शेयर विक्री गर्ने भएको छ । कम्पनीले ६८ हजार ३२ कित्ता संस्थापक शेयर विक्री गर्ने बताएको हो ।

नेपाल राष्ट्र बैंकको निर्देशन अनुसार पहिलो प्राथमिकता संस्थापक शेयरधनीलाई नै दिनुपर्ने भएकाले खरीद गर्न इच्छुक संस्थापक शेयरधनीले सूचना सार्वजनिक भएको मितिले ३५ दिनभित्र आवश्यक कागजात संकलन गरी पेश गर्न सक्नेछन् ।

इच्छुक व्यक्तिले कम्पनीको शेयर रजिष्ट्रार कुमारी क्यापिटलमा पुग्ने गरी आवेदन गर्नुपर्ने छ । यो शेयरको विक्री मूल्य विक्रेताले तोके बमोजिमकै हुनेछ ।
निर्धारित समयभित्रमा संस्थापक शेयरधनीहरुबाट आवेदन नपरेमा संस्थापकभन्दा बाहिर शेयर विक्री गर्ने कम्पनीले बताएको छ ।