गएको दुई महिनामा थपिए ७ लाख बढी डिम्याट खाता

३ चैत, काठमाडौं । गएको दुई महिना मात्र ७ लाख बढीले डिम्याट खाता खोलेका छन् । फागुन महिना मात्र ४ लाख बढीले डिम्याट खाता खोलेका छन् भने माघ महिनामा  तीन लाख १० हजार ४१६ डिम्याट खाता थपिएका थिए ।

योसँगै डिम्याट खाता खोल्नेको कुल संख्या करिब ३२ लाख पुगेकाे छ । हालसम्म ३१ लाख ७१ हजार ३४३रहेको आसीडीएस एन्ड क्लियरिङ लिमिटेडले जनाएको छ

लिमिटेडका अनुशार डिम्याट खाता खोल्ने मात्र नभई मेरो सेयर प्रयोग कर्ताको संख्या पनि पछिल्ला दिनमा बृद्धि भएको छ । गत माघ फागुन महिनामा मात्र ६ लाख बढि मेरो सेयर प्रयोग कर्ता थपिएका छन् ।

योसँगै मेरो सेयर प्रयोग कर्ताको कुल संख्या पनि १२ लाख १३ हजार ८०६ पुगेको सीडीएस एन्ड क्लियरिङ लिमिटेडले जनाएको छ। प्रविधिको बढ्यो प्रयोगसँगै अनलाइनमार्फत कारोबार गर्ने लगानीकर्ताको सङ्ख्या साढे ४ लाख पुगेको छ । जसमध्ये दोस्रो बजारमा एक लाख ९५ हजार ९८९ जनाले सक्रिय कारोवार गर्दै आएका छन् ।

पछिल्लो समय निरन्तर सुधारतर्फ लागिरहेको सेयर बजार प्रविधिको पहुँचले पनि सर्वसाधारणको आकर्षणक सेयर बजारमा परेको देखिन्छ ।