सानिमा बैंकसहित यी कम्पनीको शेयरमा उच्च डिमान्ड, कुनको कति ?

३ चैत, काठमाडौं । लामो समयदेखि करेक्सनको यात्रामा अधि बढिरहेको बजार हिजो अर्थात मंगलबार सुधारीएको हो । सामान्य सुधार आएको बजारमा खरिदकर्ता उच्च भएपनि बिक्रीकर्ता नहुँदा शेयर कारोबार भने घट्न पुगेको थियो ।

बजारमा कारोबार रकम घट्नुले बिक्रीकर्ता बजार बढ्ने मनसायका साथ शेयर होल्ड गरी बसेको जानकार बताउँछन् । त्यस्तै मंगलबार सुधारीएको बजारमा बुधबार यी दश कम्पनीको शेयरमा उच्च माग देखिएको छ ।

आज बुधबार नेप्सेमा कारोबारमा आएका कम्पनीहरुमध्येमा चन्द्रागिरि हिल्स कम्पनी, ग्रीन लाइफ हाइड्रोपावर, महिला लघुवित्त, रैरुङ हाइड्रो डेभलपमेन्ट, लक्ष्मी उन्नती कोषको शेयरको उच्च माग देखिएको हो ।

नेप्सेमा चन्द्रागिरी हिल्स कम्पनीको आईपीओ सूचीकृत भएपश्चात आज बुधबारसम्म आइपुग्दा बढोत्तरी कै यात्रामा बढिरहेको छ । कम्पनीले माघ २३ गते, शुक्रबार एक करोड ५३ लाख ४० हजार ९ सय १० कित्ता धितोपत्र सूचीकरण विनियमावली, २०७५ बमोजिम नेप्सेमा कारोबार हुन सक्ने गरी सूचीकृत भएको थियो । सूचीकृत पश्चात कम्पनीको शेयर निरन्तर बढिरहेको छ ।

नेप्सेले चन्द्रागिरि हिल्स कम्पनीको पहिलो कारोबारका लागि न्युनतम ९६ रूपैयाँ ६९ पैसादेखि अधिकतम २९० रूपैयाँ ७ पैसासम्मको कारोबार रेञ्ज प्रदान गरेको थियो ।

कारोबार सुरु भएदेखि चैत २ गते सम्म आईपुग्दा कम्पनीको प्रतिशेयरमूल्य १२ नजिक पुगेको छ । प्रतिशेयरमूल्य ११ सय ७५ पुग्दा शेयर बेच्ने शून्य छन् । भने शेयर खरिद गर्नेको उच्च चाप देखिन्छ । आज चन्द्रागिरीको शेयर माग गर्नेको संख्या ६ लाख ५० हजार पुगेको छन् भने बिक्रि गर्ने कोही छैनन् ।

त्यस्तै, उच्च शेयर माग हुनेको दोस्रो स्थानमा महिला लघुवित्त वित्तीय संस्था रहेको छ । बुधबार कम्पनीको शेयर ५ लाख ५० हजार कित्ता शेयरको माग भएको छ । भने शेयर बिक्री भने कोही छैनन् ।

त्यस्तै, उच्च शेयर माग हुनेको तेस्रो स्थानमा ग्रीन लाइफ हाइड्रोपावर रहेको छ । बुधबार कम्पनीको शेयर ३ लाख ६ हजार कित्ता शेयरको माग भएको छ । भने शेयर बिक्री भने कोही छैनन् ।

त्यस्तै, सानिमा बैंकको शेयरमा पनि उच्च माग देख्न सकिन्छ । कम्पनीको शेयरमा करिब डेढ लाख बढि शेयरको माग परेको छ । बिक्री गर्ने भने १३ हजार ५ सय मात्र छन् ।

त्यस्तै पाँचौ शेयरको उच्च डिमान्ड हुनेमा सिद्धार्थ इन्भेष्टमेन्ट ग्रोथ रहेको छ । आज ११ः३० बजेसम्म कम्पनीको १ लाख २९ हजार शेयरको माग भएको छ भने बिक्री गर्ने भने ५७ हजार मात्र रहेका छन् ।