बीपी विचार समाजको अध्यक्षमा कमलबहादुर खड्का चयन

१५ चैत, काठमाडौं । नेपाली कांग्रेसका संस्थापक नेता बीपी कोइरालाको नामबाट गठित बीपी विचार समाज स्याङ्जाको अधिवेशन सम्पन्न भएको छ । अधिवेशनले कमलबहादुर खड्कालाई अध्यक्षमा चयन गरेको छ ।

नेपाली कांग्रेस स्याङ्जाका नेता भोजराज अर्याल अध्यक्ष रहेर स्थापना गरिएको समाजको उपाध्यक्षमा रहेका खड्कालाई अध्यक्षमा चयन गरिएकाे हाे । समाजको उपाध्यक्षमा गोपालप्रसाद ढकाल, सचिवमा खगेन्द्रप्रसाद अर्याल, सह—सचिवमा केशरबहादुर खाँण (ध्रुव) र कोषाध्यक्षमा देवी अर्याल चयन भएका छन् ।

त्यसै गरी सदस्यहरुमा हरिहर पाण्डे, शालिकग्राम न्यौपाने, गीतानाथ खनाल, सिता गैहे्, शान्ता थापा रहेका छन् । अन्य सदस्यहरु जिल्ला कार्य समितिले थप गर्ने गरी अधिवेशन सम्पन्न भएको समाजका पुर्व अध्यक्ष भोजराज अर्यालले बताए ।

अधिवेशनले चैत्र २१ र २२ गते हुने राष्ट्रिय भेलाका लागि ४ सदस्य केन्द्रीय प्रतिनिधि समेत चयन गरेको छ । कमलबहादुर खड्का, गोपाल ढकाल, देवीप्रसाद अर्याल र देवी अर्याललाई केन्द्रीय प्रतिनिधिमा चयन भएको समाजका सचिव खगेन्द्र अर्यालले जानकारी दिए ।

अधिवेशनको भेलालाई सम्वोधन गर्दै पुर्व अध्यक्ष भोजराज अर्यालले बीपीको सिद्धान्त र प्रजातान्त्रिक विचारलाई गाँउ गाँउमा पु¥याउने उदेश्यले यो समाजको गठन भएको बताए । कांग्रेसले बीपीको विचारलाई अगाल्न नसक्दा पछिल्लो समय पार्टी कमजोर बन्दै गुट—उपगुटमा जेलिएको आरोप अर्यालको थियो ।

अधिवेशनले नेपाली कांग्रेसका केन्द्रीय सदस्य तथा पुर्वमन्त्री नविन्द्रराज जोशीको निधन भएकोमा शोक प्रस्तावसहित मौनधारण गरिएको थियो । कांग्रेसले एक कुशल संगठनकर्ता, त्यागी र निष्ठावान नेता गुमाएको भन्दै समाजले कांग्रेसलाई जोशीको निधनले ठुलो क्षती भएको जनाएको छ ।