मुख्यमन्त्री पोखरेलविरुद्ध अविश्वासको प्रस्ताव पेस हुँदै

१९ बैशाख, काठमाडौं । लुम्बिनी प्रदेशको प्रदेशसभाको विशेष अधिवेशन आजबाट सुरु हुने भएको छ । अधिवेशनको पहिलो बैठकमा  मै आज मुख्यमन्त्री शंकर पोखरेलविरूद्ध दर्ता भएको अविश्वासको प्रस्ताव पेस हुने कार्यक्रम रहेको प्रदेशसभा सचिवलायले जनाएको छ ।

गत वैशाख पहिलो मुख्यमन्त्री पोखरेलविरूद्ध नेपाली कांग्रेस, नेकपा माओवादी केन्द्र र जसपाले अविश्वास प्रस्ताव दर्ता गरेका थिए। मुख्यमन्त्री पोखरेलले आफूविरूद्ध अविश्वास प्रस्तावमा हस्ताक्षर गरेका जसपा सांसदलाई समेटेर यसबीचमा मन्त्रिमण्डल विस्तार पनि गरेका छन्।

जसपाबाट मन्त्रीबनेका चारै जानालाई पार्टीले कारवाही गरेकाले निलम्वनमा परिसकेका छन् । उक्त कारवाहीको विरोधमा जसपाको  महन्थ ठाकुर र राजेन्द्र महतो पक्ष निर्वाचन आयोगमा पुगेको छ ।

प्रदेश सभामा नेकपा एमालेका ४१, माओवादी केन्द्रका २०, नेपाली कांग्रेसका १९, जसपाका ६ र राष्ट्रिय जनमोर्चाका एक जना सदस्य छन्।

कुल ८७ जना सांसद रहेको लुम्बिनी प्रदेशमा सरकार सञ्चालनका लागि ४४ जना सांसद आवश्यक पर्छ। जसपाले चार जना सांसद कारवाहीगरिएपछि उनिहरुलाई मन्त्रिबनाए पनि मुख्य मन्त्री पोख्रेलेको पद शुरक्षित देखिएको छैन ।

गण्डकी प्रदेशमा अविश्वासको प्रस्ताव विरुद्ध मतदानको समयमा राजमो सांसद अस्पताल भर्ना प्रकरण भएपछि विशेष अधिवेशनको जारी बैठक नै अनिश्चित बनेको छ ।