मुख्यमन्त्री शंकर पोखरेलले दिए राजीनामा

१९ बैशाख, काठमाडौं । लुम्बिनी प्रदेशका मुख्यमन्त्री शंकर पोखरेलले राजीनामा दिएका छन्। मुख्यमन्त्री पोखरेलले केहीबेर अघि प्रदेश प्रमुख धर्मनाथ यादवलाई राजीनामा बुझाएका हुन्।

नयाँ सरकार गठनका लागि मार्ग प्रशसस्त गर्न भन्दै मुख्यमन्त्री पोखरेलले राजीनामा बुझाएको प्रदेश प्रमुख कार्यालय स्रोतले जानकारी दिएको छ। संविधानको धारा १६८ अन्तर्गत गठन भएको सरकार विघटन गरी धारा १६८ ‘१’ अनुसारको सरकार गठनका लागि पोखरेलले राजीनामा दिएको स्रोतले बताएको छ।

उनीविरुद्ध नेपाली कांग्रेस, नेकपा ‘माओवादी केन्द्र’  र जनता समाजवादी पार्टी ‘जसपा’ले अविश्वास प्रस्ताव दर्ता गरेका थिए। उनीविरुद्धको अविश्वास प्रस्ताव आज प्रदेश सभामा पेश हुन लागेको छ।