इमान्दारीताको पुरस्कार !!
नेपालबहस संवाददाता
बैशाख १९, २०७८ आइतबार २२:४९:४६
एउटा सातवर्षे छोरा, कक्षामा ऊ सधैँ अव्वल दर्जामा उत्तीर्ण हुने गर्दथ्यो । यसपालि पनि उपल्लाे कक्षामा भर्ना हुन पायो । हिजो मात्रै तलब आएको, मैले उसलाई नयाँ स्कूल ड्रेस अनि जुत्ता किन्न बजार लिएर गएँ । ‘पोहोरकै जुत्ता मर्मत गरेर लगाउँदा एक वर्षलाई भइहाल्छ नि’ भन्दै जुत्ता किन्नै मानेन ।
आफ्ना लागि जुत्ता किन्नु सट्टा हजुरबुवाका लागि नयाँ चश्मा किनीदिन सुझायो । आफ्नो जुत्ता भन्दा हजुरबुवाको चश्मा बढी जरूरी ठानेर त्यसो भनेको होला भन्ठानेर मैले आफैंलाई सम्झाएँ ।
त्यसपछि पोशाक पाइने पसलमा लिएर गएँ । पसलले उसको साइजको सेतो कमिज निकाल्यो, बाहिरबाटै हेर्दा एकदम फिट थियो । तर, पनि उसले अलि लामो कमिज देखाउन भन्यो । मैले यसो किन भनेको सोधेँ ।
‘केहि छैन बाबा…कम्मरमा त मैले कमिज भित्रै हाल्नुपर्छ । अलिअलि ठूलो भएर केहि हुन्न । अलिकति ठूलो भयो भने यही कमिज मलाई अर्को वर्ष पनि काम लाग्छ । म अलिकति बढेँ भने पनि यसैले हुन्छ । पोहोरको कमिज पनि त नयाँ जस्तै त छ नि । तर, अलि छोटो भएर पो लगाउन नमिलेको’ भनेर मलाई नै उल्टो सम्झायो ।
म बोल्नै सकिनँ । घर आएपछि छोरो सँग सोधेँ -‘तिमीलाई यति धेरै राम्रा कुराहरू कसले सिकाउँछन् बाबू..?’ ऊ बोल्यो- ‘बाबा म देखिरहन्छु, कहिले आमाले आफ्नो साडी नकिनेर, कहिले तपाईंले पुरानै जुत्ता मर्मत गरेर पनि मलाई नयाँ किताब-कापी अनि लुगाहरू किनिदिनु हुन्छ । टोल-छिमेकमा सबैजना भन्ने गर्दछन् हजुर एकदम इमान्दार मान्छे रे..! अनि हाम्रै छिमेकी राजुको बाबालाई सबैजना चोर, कुकुर, बेइमान, भ्रष्टाचारी यस्तै के-के जाति भन्ने गर्दछन् जबकी तपाईंहरू दुवैजना एउटै अफिसमा काम गर्नुहुन्छ !’
‘गाउँलेहरूले तपाईंको प्रशंसा गर्दा मलाई एकदम आनन्द र खुशी लाग्दछ । आमा र हजुरबुवा पनि तपाईंको तारिफ गर्नुहुन्छ ।’ ‘बाबा, म चाहन्छु बरू मलाई कुनै नयाँ ड्रेस नकिनीदिनोस् नयाँ जुत्ता नपाइयोस् तर, तपाईंलाई कसैले चोर, बेइमान, भ्रष्टाचारी, कुकुर आदि नभनून्…म तपाईंको पाखुरी बन्न चाहन्छु कमजोरी होइन ।’
छोराको कुरा सुनेर म निरूत्तर भएँ । आज पहिलोपटक मेरो इमान्दारीताको पुरस्कार पाइरहेको थिएँ..! जीवनकालभरमा धेरै पछि आँखामा खुशी, गर्व र आत्मसम्मानका आँसु बगे ।
सामाजिक सञ्जालबाट साभार………
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रेम साधक होइन, बाधक हो !! ह्याप्पी भ्यालेन्टाइन !!
फागुन २, २०८० बुधबार
प्रदर्शनरत अभियन्ताहरू राजनीतिक स्वार्थले संवादमा आएनन् : मेयर शाह
असोज ८, २०८० सोमबार
नेम्वाङले ओलीलाई भनेका थिए, ‘संविधान जारी गर्नबाट रोकियो भने देश नै सकिन्छ’
भदौ २९, २०८० शुक्रबार
देउवा–रवी गोप्य भेटघाटः टिओआर खुकुलो बनाउने प्रस्तावप्रति ठाडै अस्वीकार
जेठ ७, २०८१ सोमबार
पशुपतिनाथको भेटी चोर्ने आठ जना पक्राउ
जेठ ७, २०८१ सोमबार
तपाईको आजको राशीफल कस्तो छ ?
जेठ ८, २०८१ मंगलबार
दोलखामा सञ्चालित हाडजोर्नी शिविरबाट एक हजार एक सय बढी लाभान्वित
जेठ ८, २०८१ मंगलबार
विवाहको बहानामा चीन पुर्याई मानव बेचबिखन गरेको अभियोगमा महिला पक्राउ
जेठ ८, २०८१ मंगलबार
कान्तिलोकपथ एक हप्ताभित्र सञ्चालन गरिने
जेठ ८, २०८१ मंगलबार
मधेस प्रदेशमा दुई लाख ५१ हजार परिवारले स्वास्थ्य बीमा गराए
जेठ ८, २०८१ मंगलबार