नयाँ संविधानकाे मागसहित ताजा जनादेशमा जाऔं : वाग्ले

२९ वैशाख, काठमाडाैं । नेपाली कांग्रेस (बीपी) पार्टीका केन्द्रिय कार्यालय सचिव सुशिलराज वाग्लेले २०४७ र २०७२ लाई आधार मानि नयाँ राष्ट्रवादी संविधान घोषणा गरि ताजा जनादेशमा जानुको विकल्प नभएकाे बताएका छन् ।

उनले सामाजिक संजाल फेसबुकमा लेख्दै भनेका छन्, संविधानको धारा ७६(३) मा प्रतिनिधिसभा निर्वाचनको अन्तिम मिति घोषणा भएको ३० दिन भित्र ७६(२) अनुसार दुई वा दुई भन्दा बढी दलले बहुमत प्राप्त सरकार गठन गर्न  सक्नेछ ।

उनले लेखेका छन्, २०७४ फागुन ३ गते नेकपा (एमाले) र नेकपा (माओवादी) ले सयुक्त रुपमा नेकपा (एमाले) अध्यक्ष केपी शर्मा ओलीको नेतृत्वमा सरकार गठन भएको र २०७८ वैशाख २७ गते प्रतिनिधिसभामा ७६(२) का प्रधानमन्त्रीले १००(१) अनुसार प्रतिनिधिसभामा प्रस्तुत विश्वासको मतको लागि राखिएको प्रस्ताव फेल भएको छ ।

साथै ७६(२) का प्रधानमन्त्रीले प्रतिनिधिसभामा विश्वासको मत नपाएको हुन र प्रतिनिधिसभा निर्वाचनको अन्तिम मिति घोषणा भएको ३० दिन बढी भएकोले अब ७६(२) आक्रषित हुने देखिदैन । आफु अनुकूल व्याख्या गरिने गरि बनाइएको २०७२ को संविधान नै राष्ट्रको लागि घातक सिद्ध भएको उनले बताएका छन् ।

उनले लेखेका छन्, २०७२ को संविधानमा धेरै विवादित र अपरिपक्व धाराहरु छ्न । त्यसैले २०४७ र २०७२ का संविधानमा भएका सकारात्मक धाराहरुलाई आधार मानी राष्ट्रवादी नयाँ संविधान घोषणा गरि लागु गर्न ताजा जनादेशमा जानुको विकल्प छैन् ।