राष्ट्रपतिको गती र प्रमको मतिले यो देश अरु जटिलतामा फस्दैछ: नेता केसी

७ जेठ, काठमाडौं । नेपाली कांग्रेसका नेता अर्जुन नरसिंह केसीले राष्ट्रपति विद्यादेवी भण्डारीको गती र प्रधानमन्त्री केपी ओलीको मतिले यो देश अरु जटिलतामा फस्दै जाने बताएका छन् । शुक्रबार साँझ सामाजिक सञ्जालमा एक विचार लेख्दै नेता केसीले सनाखतका नाममा पुनःअर्को सडयन्त्रको पुनरावृत्ति हुँदैछ भन्दै टिप्पणी गरेका हुन् ।

उनले अगाडि लेखेका छन् , “जाल साज षड्यन्त्रको यो पराकाष्टा हो। कोभिड बाट जनता मरिरहुन तर राष्ट्रको को निष्पक्ष संस्था राष्ट्रपतिको गती र प्रमको मतिले यो देश अरु जटिलतामा फस्दैछ।वैकल्पिक सरकार देखि महाअभियोग सम्मका तयारीमा दलहरुको एकाग्रता जरुरी छ।”

राष्ट्रपति भण्डारीले प्रधानमन्त्रीमा दाबी पेस गर्न शुक्रबार ५ बजेसम्म दिएको समयावधिमा ओलीले १५३ सांसदको समर्थन रहेको भन्दै दाबी पेस गरेका छन् । उनले सिंगो एमाले र जनता समाजवादी पार्टीका सांसदको समर्थन रहेको दाबी राष्ट्रपतिकहाँ पेस गरेका हुन् ।

सनाखत का नाममा पुनःअर्को सडयन्त्र को पुनरावृत्ति हुँदैछ।जाल साज षड्यन्त्रको यो पराकाष्टा हो। कोभिड बाट जनता मरिरहुन तर राष्ट्रको को निष्पक्ष संस्था राष्ट्रपतिको गती र प्रमको मतिले यो देश अरु जटिलतामा फस्दैछ।वैकल्पिक सरकार देखि महाअभियोग सम्मका तयारीमा दलहरुको एकाग्रता जरुरी छ।

— Arjun Narasingha Kc (@ArjunNarasingha) May 21, 2021

विपक्षी गठबन्धनबाट १४९ सांसदसहित कांग्रेस सभापति शेरबहादुर देउवालाई प्रधानमन्त्रीका रुपमा दाबी पेस गरिएको छ । देउवाको पक्षमा हस्ताक्षर गर्नेहरुमा कांग्रेस, माओवादी केन्द्र, जसपा ९उपेन्द्र(बाबुराम० समूहका सांसदहरुले हस्ताक्षर गरेका छन् ।