शिक्षकलाई तत्काल खोपको व्यवस्था गर्न डा. कोराइलाको माग

२३ जेठ, काठमाडाैं ।  नेपाली कांग्रेसका प्रभावशाली नेता डा. शेखर कोइरालाले शिक्षकलाई तत्काल खोपको व्यवस्था गर्न सरकारसँग माग गरेका छन् । सामाजिक सञ्जाल ट्वीटरमा एक विचार लेख्दै डा. कोइरालाले अग्रमोर्चामा काम गर्ने शिक्षक तथा बिद्यालय कर्मचारीहरुलाई तत्काल खोपको व्यवस्था गर्न जोडदार माग गरेका हुन् ।

नेता डा. कोइरालले सरकारको गैर जिम्मेबार क्रियाकलापका कारण देशमा कोरोना महामारीले बिकराल रुप धारण गर्न थालेको आरोप समेत लगाएका छन् ।

आम नागरिकलाई कोरोना बिरुद्धको खोपको ब्यवस्था गरेर नागरिकको जिउधनको सुरक्षा गर्नुपर्ने बेलामा हजारौं बिद्यार्थीहरु माझमा बसेर अध्ययन अध्यापन गराउनु पर्ने जिम्मेबारी बोकेका शिक्षकहरु र बिद्यालयका कर्मचारीहरुलाई अहिलेसम्म पनि खोपको प्रबन्ध गर्न नसक्नु सरकारको लाचारीपन र गैर जिम्मेबारपनको पराकाष्ट भएको  नेता डा. कोइरालले बताएका छन् ।

उनले अगाडि लेखेका छन्, “दैनिक हजारौं विद्यार्थीहरुका बिचमा कृयाशिल हुनुपर्ने शिक्षक तथा बिद्यालय कर्मचारीहरुलाई अहिलेसम्म पनि खोप नदिएर सरकारले देखाएको गैरजिम्मेवार ब्यवहारप्रती दुस्ख व्यक्त गर्दै अग्रमोर्चामा काम गर्नुहुने शिक्षक तथा बिद्यालय कर्मचारीहरुलाई तत्काल खोपको व्यवस्था गर्न जोडदार माग गर्दछु।”

दैनिक हजारौं विद्यार्थीहरुका बिचमा कृयाशिल हुनुपर्ने शिक्षक तथा बिद्यालय कर्मचारीहरुलाई अहिलेसम्म पनि खोप नदिएर सरकारले देखाएको गैरजिम्मेवार ब्यवहारप्रती दु:ख व्यक्त गर्दै अग्रमोर्चामा काम गर्नुहुने शिक्षक तथा बिद्यालय कर्मचारीहरुलाई तत्काल खोपको व्यवस्था गर्न जोडदार माग गर्दछु।

— Dr Shekhar Koirala (@Shekharnc) June 5, 2021