मेलम्ची बाढी अपडेटः सात जनाको मृत्यु, हेलिकोप्टरबाट उद्धार जारी [ भिडियाेसहित ]

२ असार, काठमाडौं ।  सिन्धुपाल्चोकको हेलम्वु  मेलम्चीमा आएको बाढीका कारण सात जनाको मृत्यु भएको छ । बाढीमा वेपत्ता भएकाहरुको बिहानदेखि खोजी कार्य सुरु भएसँगै हेलम्बु क्षेत्रमा ७ जनाको  शव भेटिएको हो ।

हिजो बेलुकी मेलम्चीमा बाढी आएर स्थानीय बस्तीहरु ढुवानमा पार्नुका साथै केही  बगाएपछि आज बिहानबाट प्रहरीले खोजी तथा उद्धार कार्य सुरु गरेको छ । ५० भन्दा बढी वेपत्ता भएको स्थानीयले बताएका हुन ।

बाढीले वेपत्ता भएकामध्ये अहिले सम्म सातजनाको शव भेटिएको वेपत्ताको खोजी एवम राहत चलिरहेको सिन्धुपाल्चोकका प्रमुख जिल्ला अधिकारी अरुण पोखरेलले जानकारी दिएका छन् ।

सेनाको हेलिकप्टरबाट बाढीमा परेकाहरुको उद्दार गर्ने काम भइरहेको गृहम मन्त्रालयले जनाएको छ। २५० भन्दा बढी सुरक्षाकर्मी परिचालित रहेका छन् ।