४१ राजनीतिक दलबाट ५० हजारका दरले रकम उठाउँदै निर्वाचन आयोग !

४ असार, काठमाडौं । निर्वाचन आयोगले ४१ राजनीतिक दलहरुलाई ३० दिन भित्र पचास हजारको दरले रकम बुझाउन भनेको छ । तोकिएको अवधिभित्र आयव्यय, लेखापरक्षण प्रतिवेदन पेश गर्न नसकेका सफाइ सहितको स्पष्टीकरण पेश नगर्ने ४१ राजनीतिक दलहरुलाई आयोगले जरिवाना सरुप यस्तो रकम बुझाउन आग्रह गरेको हो ।

आयोगले गोर्खापत्र दैनिकमा एक सूचना सार्वजनिक गर्दै आयव्याया लेखापरिक्षण प्रतिवेदन पेश नगर्ने सफाइ सहितको स्पष्टीकरण नदिने दलहरुले राजनीतिक दल सम्वन्धिको ऐनको दफा ५४ अनुसार कारवाही गरेको बताएको छ ।

यसरी कारवाही पर्नेदलहरुमा हाम्रो पार्टी, नागरिक समाजबादी पार्टी, नेपाल नागरिक पार्टी, राष्ट्रिय चुरेभावर, नेपाली कांग्रेस राष्ट्रवादी, देशभक्त लोकतन्त्रपार्टी, नागरिक समाजबादी पार्टी लगायत रहेकाछन् ।