कांग्रेसमा डा. शेखर लोकप्रिय बन्दै, भावी सभापतिमा दर्बिलो उपस्थिति
यज्ञप्रसाद भट्टराई
असार १३, २०७८ आइतबार २१:६:३५
नेपाली कांग्रेसको चौधौं महाधिवेशन जति जति नजिकिदै छ त्यति त्यति राजनीतिक सरगर्मी पनि बढीरहेको छ । नेपाली कांग्रेसमा नेतृत्व लिने र दोहोर्याउने शक्तिका बीचमा नै अहिले प्रतिस्पर्धा हुने देखिएको छ । लामो समयसम्म नेपाली कांग्रेसको एकछत्र नेतृत्वमा रहेका केही पुराना नेताहरुलाई भने वर्तमानमा उदाएका आशालाग्दा युवा नेताहरु आगामी नेतृत्वका लागि तगारो बनिरहेको अनुमान गरिएको छ ।
एउटा जीवन्त पार्टीमा नेतृत्वका लागि प्रतिष्पर्धा हुनु सामान्य प्रजातान्त्रिक प्रक्रिया हो तर पटक पटक आफुमात्रै पार्टी र सरकारको नेतृत्वमा रहिरहनु पर्छ भन्ने सोचाई रहनु नेतृत्वको अहंमता र भूल हो भन्ने तर्क पनि अहिले कांग्रेस वृत्तमा गर्न थालिएको छ ।
नेपाली कांग्रेसले नेपाली राजनीतिमा देखाएको उपस्थिति, राजनीतिक परिवर्तनको लडाईमा लिएको अहम नेतृत्व र शान्ति प्रक्रियाका लागि खेलेको भूमिका नेपाली जनताले भुलिसकेका छैनन् । कम्युनिष्ट पार्टीहरु बर्खामा उम्रिएका च्याउ सरह पनि नदेखिएपछि हिजो केही होला कि भनेर कम्युनिष्ट पार्टीलाई भोट हालेका नेपाली नागरिकहरु पनि बिस्तारै फेरी नेपाली कांग्रेसतर्फ नै आकर्षित हुन थालेका छन् । नेकपा नामको शक्तिशाली कम्युनिष्ट पार्टी टुक्राटुक्रा बनिसकेपछि झण्डै दश लाख क्रियाशिल सदस्यता रहेको नेपाली कांग्रेस फेरी नेपालकै सबैभन्दा ठूलो दलको रुपमा फेरी स्थापित भैसकेको छ ।
नेपाली कांग्रेसको आगामी महाधिवेशनमा वर्तमान सभापति शेरबहादुर देउवाले पुनः सभापति बन्ने ईच्छा देखाएपछि अबको कांग्रेस नेतृत्वमा कस्ले बाजी मार्ला भन्ने यसै अनुमान गर्न सकिने अवस्था रहेन । बिद्यार्थी राजनीतिबाट कांग्रेस नेतृत्वमा आएका र बिगत ३० बर्षदेखि निरन्तर नेपाली राजनीतिमा छाएका देउवा गिरिजाप्रसाद कोइरालापछि सबैभन्दा बढी देशको प्रधानमन्त्री बन्ने नेताका रुपमा चिनिन्छन् ।
पार्टी फुटाएर गएर पनि पुनः पार्टीमा प्रवेश गर्दा समेत सिंगो पार्टीको सभापति बन्ने संभवत नेपालको ईतिहासकै पहिलो ब्यक्ति हुन शेरबहादुर देउवा । उनै देउवाको पुनः पार्टीको सभापति बन्ने चाहनाले नेपाली कांग्रेसभित्र चरम ध्रुवीकरण र गुटगत अभ्यास फेरी बल्झिने संभावना बढेर गएको देखिन्छ । यसै गरी कांग्रेस भित्र सभापतिका लागि युवा नेतृत्वमा देखिएको आकांक्षाले पनि आगामी चौधौं महाधिवेशन अत्यन्तै प्रतिस्पर्धी हुन देखिएको छ ।
बिगत तेह्रौं महाधिवेशनमा कोइराला परिवारले आफ्नो हातमा रहेको राजनीतिक बागडोर रामचन्द्र पौडेललाई सुम्पियो । शेरबहादुर देउवासँग झिनो मतको अन्तरले पराजित भएका रामचन्द्र पौडेललाई यसपटक भने कोइराला परिवारले समर्थन गर्ने वातावरण देखिदैन् । नेपाली जनताका बीचमा अत्यन्तै लोकप्रिय बनेका डा. शेखर कोइराला पनि चौधौं महाधिवेशनमा नेपाली कांग्रेसको सभापति पदको दर्बिलो उम्मेदवारका रुपमा खडा हुने निश्चित छ ।
नेपाली जनताले नेतृत्व परिवर्तनको आवाज उठाईरहँदा जनताका बीचमा अत्यन्तै लोकप्रिय बनेका डा. शेखरले यसपटकको नेपाली कांग्रेसको सभापति जित्ने प्रशस्तै आधारहरु देखिएका छन् । उनका केही सान्दर्भिक उदगारहरुले आम नेपाली जनता र नेपाली कांग्रेसका नेता तथा कार्यकर्ताहरुको मन जितिरहेको छ । डा. शेखरले भनिसकेका छन् कि म नेपाली कांग्रेसको सभापतिमा मात्र बसेर पार्टीलाई क्रियाशिल बनाउँदै बिकृत राजनीतिलाई सुसंस्कृत बनाउने अभियानमा लाग्ने छु ।
यसले अब देश हाँक्ने जिम्मा युवाको काँधमा आईसकेको छ भन्दा अत्युक्ति हुने छैन् । अब ६० काटेका नेताहरु हैन देशले खोजेका र जनताले रोजेका युवाहरुबाटै देशले प्रधानमन्त्री पाउने छ । डा.शेखरको अभिभावकीय भुमिकाले तमाम युवाहरुमा कांग्रेस किन बन्नु पर्छ र ? हाम्रो देशमा नेपाली कांग्रेसको आवश्यकता र महत्व के र कति छ ? भन्ने कुरा बुझ्नेछन् । यति कुरा निर्धक्कका साथ भन्न सकिन्छ कांग्रेसको नेतृत्व डा. शेखरले सम्हाल्ने बित्तिकै नेपाली कम्युनिस्ट आन्दोलनमा आँधिवेरी आउनेछ । बिदेशी झण्डा फालेर हरेक नेपाली जय नेपालको अतिप्रिय नारा लगाउँदै कम्युनिस्ट पार्टी छोडेर नेपाली कांग्रेसमा प्रवेश गर्नेको लहर आउनेछ ।
डा. शेखरको एउटै मात्र भनाई रहेको छ, अहिले देशले बिकासको बाटो बिर्सियो । नेता देख्ने बित्तिकै जनता तर्सिनु पर्ने दिन आयो । राजनीतिक अभिष्ठ पुरा गर्ने गलत परम्पराले निरपराधले अनाहकमा सजाय पायो । अपराधीलाई राजनीतिक संरक्षण दिने गलत परिपार्टीले बीपी कोइरालादेखि गणेशमानजी हुँदै किसुनजी र शुशिल दाको समेत बदनाम गरायो । कृष्णप्रसाद कोइरालाले २००० साल भन्दा अघि देखेको सपना किन अहिलेसम्म साकार हुन पाएन ? कांग्रेस भनेकै जनताको सुखदुखको साथी हो भन्ने भावना किन अहिलेको कांग्रेस नेतृत्वमा आएन ? यही कुराहरु मैले देश दौडाहाको क्रममा आम नेपाली नागरिकहरुबाट पाएको छु । विश्वास गर्नुस, यही कुरा पुरा गराउन म राजनीतिमा आएको छु ।
सभापतिका रुपमा आफुलाई उभ्याएपछि डा. शेखरले आफुले देश बिकासको खाका कोरिसकेको बताएका छन् । कांग्रेसका पुराना र निष्ठावान नेता तथा कार्यकर्ताहरुलाई समेत उनले आफुभित्र अटाएका छन् । युवा नेतृत्वलाई साथमा लिएर समावेशी र सबल कांग्रेस बनाउने अभियान थालेका डा. शेखरले भनेका छन्, “देश बिकासको महान अभियान कुनै अमुक पार्टीको घोषणापत्र र नीति तथा कार्यक्रमले मात्रै पुरा हुँदैन । जनताको प्रत्यक्ष सहभागिता बिना कुनै पनि विकास आयोजना पुरा हुँदैन । जनताका दुखमा जुन नेताको मन रुदैन, त्यस्ता दल र नेतालाई नेपाली जनताले सधै साथ दिईरहनु पर्छ भन्ने कुनै बाध्यता हुँदैन । नेतृत्वमा रहने ब्यक्तिहरुको एउटै मात्र सोच र चाहना हुनुपर्छ कि देशलाई कसरी छिटो भन्दा छिटो बिकासको बाटोमा अगाडि बढाउने । हरेक नेपाली जनताको मुहारमा खुशी ल्याउने कार्यक्रम लागु गरेर कसरी देशबाट यथाशक्य चाँडो गरिबी र बेरोजगारी घटाउने ।”
यिनै कार्यक्रम र योजनासहित अहिले डा. शेखर नेपाली कांग्रेसको चौधौं महाधिवेशनमा सभापतिको उम्मेदवारको रुपमा अगाडि आएका छन् । लामो समयपछि नेपाली कांग्रेसका नेता तथा कार्यकर्ताहरुले एक निष्ठावान र आदर्शवान नेता पाएका छन् । डा. शेखरको राजनीतिक यु टर्नले कांग्रेसभित्र निभ्न लागेको दियोमा बर्तन भरिएको आभास हुँदै गैरहेको छ ।
डा. शेखर भन्छन्, “म प्रधानमन्त्री बनौंला, सुख सुविधा भोगचलन गरौंला, सरकारी कोषको दुरुपयोग गरेर अकुत सम्पत्ति कमाउँला, केही डनवान र धनवानलाई विकास आयोजनाको ठेक्कापट्टा मिलाई दिएर राज्यको ढुकुटी स्वाहा पार्दै आफ्नो ब्यक्तिगत फाईदा पुरा गरौला, आफन्त र नातागोतालाई राजदुत र जीएम बनाई दिउला, देशको राजधानी र अन्य ठुला शहरहरुमा घर घडेरी किनौला, बिदेशी बैंकमा भएभरको देशको अर्थतन्त्र थुपारेर बोनस खाउँला भनेर नेपाली कांग्रेसको सभापति बन्न लागेको हैन । म नेपाली कांग्रेसको नाममा लागेको दाग मेटाउन चाहन्छु, जनताबाट टाढिदै गएको नेपाली कांग्रेसको सम्बन्धलाई पुनः एकपटक गाँस्न चाहान्छु । जब गरिब नेपाली पनि शिक्षा र स्वास्थ्यमा समान अधिकार उपयोग गर्दै खुशी हुन्छन्, त्यही गरिब नेपालीको वास्तविक हाँसोका साथ हाँस्न चाहन्छु ।”
यज्ञप्रसाद भट्टराई
यज्ञप्रसाद भट्टराई पूर्वको झापामा रहेर राजनीतिक, सामाजिक अभियानमा क्रियाशील छन् । सहकारी आन्दोलनमा समेत सरिक रहेका भट्टराईले पछिल्लो समय नेपालबहस डटकममा आबद्ध रहेर लेखन तथा पत्रकारिता गरिरहेका छन् ।
लेखकबाट थपकिन भइरहेको छ संसद विघटन र मध्यावधि निर्वाचनको चर्चा ?
जेठ २१, २०८१ सोमबार
दरबार हत्याकाण्ड: जमिम शाहले भने, ‘आज ठूलै घटना भएको छ, पत्रिका प्रेसमा नपठाउनु’
जेठ १९, २०८१ शनिबार
अस्थिर र अराजक राजनीतिबाट प्रभावित बजेटले कस्तो परिवर्तन देला ?
जेठ १९, २०८१ शनिबार
एसएसपी बढुवामा गृहमन्त्रीको सचिवालयले बार्गेनिङ गरेको गम्भीर आरोप
नेपालबहस संवाददाता
जेठ २०, २०८१ आइतबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
एसएसपी बढुवामा गृहमन्त्रीको सचिवालयले बार्गेनिङ गरेको गम्भीर आरोप
जेठ २०, २०८१ आइतबार
१४ वर्षदेखि धनुषामा असुली गर्दै अघोषित घुमुवा आजाद यादव
जेठ २०, २०८१ आइतबार
९३ वर्षीय मिडिया टाइकुन मर्डोकले गरे पाँचौं विवाह
जेठ २१, २०८१ सोमबार
टी–२० विश्वकप : ओमानले दियो नामिबियालाई १०९ रनको समामान्य लक्ष्य
जेठ २१, २०८१ सोमबार
हावाहुरीले २ हजार ५ सय बिघा क्षेत्रफलको केरामा क्षति
जेठ २१, २०८१ सोमबार
जेठो हिमाल आरोहणको ७४ वर्ष पूरा
जेठ २१, २०८१ सोमबार
कोशी प्रदेशको नीति तथा कार्यक्रम आज सार्वजनिक गरिने
जेठ २१, २०८१ सोमबार
विश्वकप क्रिकेट : आयोजक वेस्ट इन्डिज विजयी
जेठ २१, २०८१ सोमबार