समता घरेलु लघुवित्तद्वारा २५ प्रतिशत लाभांश घोषणा

१५ असोज, काठमाडौं । समता घरेलु लघुवित्त वित्तीय संस्था लिमिटेडले लाभांश घोषणा गरेको छ । समता घरेलु लघुवित्तले गत वर्षको मुनाफा शेयरधनीलाई लाभांश घोषणा गरेको हो ।

कम्पनीले गत आर्थिक वर्ष २०७७/७८ को मुनाफाबाट कुल २५ प्रतिशत लाभांश प्रस्ताव गरेको छ ।

कम्पनीको सोमवार दिउँसो बसेको सञ्चालक समितिको बैठकले हाल कायम चुक्तापूँजी २८ करोड ५६ लाख २० हजारको आधारमा २० प्रतिशत बोनस शेयर र ५ प्रतिशत नगद लाभांश प्रस्ताव गरेको हो ।

प्रस्तावित उक्त लाभांश नेपाल राष्ट्र बैंकको स्वीकृति पश्चात कम्पनीको आगामी साधारण सभाले पारित गरेपछि वितरण हुनेछ ।

कम्पनीले प्रस्ताव गरेको लाभांशमा यस वर्ष छूटको व्यवस्था छ । साविकको समता लघुवित्त र घरेलु लघुवित्त वित्तीय संस्था बीच मर्जर प्रक्रिया सम्पन्न भई २०७८ वैशाख २ गतेदेखि एकीकृत कारोबार शुरु भएकाले घोषित लाभांशमा लाग्ने कर छूट भने हुने भएको हो ।