आईपीओ निष्कासन तयारीमा रहेको उपकार लघुवित्तको ब्याज आम्दानीसँगै मुनाफामा पनि गिरावट

२३ कार्तिक, काठमाडौं । उपकार लघुवित्त वित्तीय संस्थाले चालू आवको पहिलो त्रैमासिक वित्तीय विवरण मंगलवार सार्वजनिक गरेको छ ।

उक्त वित्तीय विवरण अनुसार कम्पनीको मुनाफा उच्च दरले गिरावट आएको छ । अघिल्लो आवको पहिलो त्रैमासमा लघुवित्तले २ करोड २६ लाख ७७ हजार मुनाफा गरेको थियो । चालू आवको सोही अवधिमा लघुवित्तले ४१ लाख ३५ हजार मुनाफा गरेको छ । जुन मुनाफा अघिल्लो आवको तुलनामा ८१ प्रतिशत कम हो ।

चालू आवको पहिलो त्रैमासमा कम्पनीको सञ्चालन मुनाफा ३ करोड ४३ लाख ऋणात्मक रहेका छ त्यस्तै लघुवित्तको ब्याज आम्दानीमा ९ दशमलव २० प्रतिशतले गिरावट आएको छ ।

कम्पनीको चुक्तापूँजी  ४ करोड २० लाख रहेको छ भने जगेडामा १३ करोड १३ लाख ९१ हजार सञ्चित गरेको छ । साथै कम्पनीले आईपीओ निष्कासन गर्ने तयारीमा पनि रहेको छ । कम्पनीले २ लाख ६६ हजार २५० कित्ता आईपीओ निष्कासन गर्नका लागि नियामक निकाय नेपाल धितोपत्र बोर्डमा निवेदन दिइसकेको छ ।