युनिक नेपाल लघुवित्तले गर्यो आकर्षक मुनाफा

२४ कार्तिक, काठमाडौं । युनिक नेपाल लघुवित्त वित्तीय संस्थाले चालू आवको पहिलो त्रैमासिक वित्तीय विवरण सार्वजनिक गरेको छ ।

उक्त वित्तीय विवरण अनुसार कम्पनीको मुनाफा गत आवको पहिलो त्रैमासको तुलनामा बढेको छ । लघुवित्तले पहिलाने त्रैमाससम्ममा ३ करोड २३ लाख ६९ हजार मुनाफा गर्न सफल भएको छ । गत वर्षको यहि अवधिमा लघुवित्तले ८२ लाख २० हजार मुनाफा गरेको थियो ।

असोज मसान्तसम्म कम्पनीको खुद ब्याज आम्दानीमा र सञ्चालन मुनाफामा वृद्धि हुँदा नाफा बढ्न पुगेको हो । कम्पनीको चुक्तापूँजी ९ करोड ६८ लाख रहेको छ भने जगेडामा २१ करोड ८१ लाख सञ्चित रहेको छ ।

चालू आवको पहिलो त्रैमाससम्ममा कम्पनीले ५७ करोड ७९ लाख ७२ हजार सापटि लिएर, २ अर्ब १५ करोड ९५ लाख निक्षेप संकलन गरेर  ३ अर्ब ३६ करोड ७५ लाख ९३ हजार कर्जा लगानी गरेको छ ।