सडक अवरुद्ध गर्न खोज्ने विप्लवका ८ कार्यकर्ता सुन्धाराबाट नियन्त्रणमा

स्वइच्छा महर्जन

३० कार्तिक, काठमाडौं । नेपाल कम्युनिष्ट पार्टीले पेट्रोलियम पदार्थमा भएको मूल्यवृद्धिको विरुद्ध भन्दै आज बजार तथा पुल बन्द गराउँदै हिँडेका विप्लवका कार्यकर्तालाई सुन्धाराबाट प्रहरीले पक्राउ गरेको छ ।

प्रहरीका अनुसार आज बिहान सडकमा टायर बालेर प्रदर्शन र पसल बन्द गराउँदै हिँडेका विप्लवका ८ कार्यकर्ताहरुलाई प्रहरीले पक्राउ गरेको हो ।

काठमाडौं प्रहरी प्रवक्ता रमेशकुमार बस्नेतका अनुसार काठमाडौंको सुन्धारा क्षेत्रको सडक अवरुद्ध गर्न खोज्ने नेत्रविक्रम चन्द ुविप्लवु नेतृत्वको नेकपाका कार्यकर्ताहरुलाई प्रहरीले नियन्त्रणमा लिएको हो । पक्राउ परेका ८ जनालाई जनसेवा प्रहरी वृत्तमा राखिएको प्रवक्ता बस्नेतले नेपाल बहस डटकमलाई जानकारी दिए ।

विप्लव नेतृत्वको नेकपाले पेट्रोलियम पदार्थमा भएको मूल्यवृद्धि फिर्ता गर्न माग गर्दै आज काठमाडौं उपत्यकासहित देशभर बन्द आह्वान गरेको छ । काठमाडौं उपत्यकामा बन्दको आंशिक प्रभाव परेको छ ।

सुरक्षाकर्मी व्यापक परिचालन गरिएकाले बन्दकर्ताले सवारी आवागमनमा अवरोध पुऱ्याउन सकेका छैनन् ।

भिडियोमा पनि हेर्नुस बन्दको प्रभाव कस्तो छ ?