मन्जुश्री फाइनान्सको सर्वाधिक शेयर खरिदबिक्री

२६ मंसिर, काठमाडौं । साताको पहिलो कारोबार दिन आइतबार १२ बजेको अवधिमा मन्जुश्री फाइनान्सको सर्वाधिक शेयर खरिदबिक्री भएको छ ।

कारोबारमा आएका २२१ ओटा कम्पनीमध्ये मन्जुश्री फाइनान्सको सर्वाधिक शेयर खरिदबिक्री भएको छ । सो अवधिमा कम्पनीको करिब ७ करोड १० लाख रुपैयाँ बराबरको शेयर खरिदबिक्री भएको हो । यो समाचार तयार पार्दासम्म कम्पनीको शेयरमूल्य प्रतिकित्ता १०३३ रुपैयाँमा कारोबार भएको छ ।

कम्पनीले आकर्षक लाभांश वितरण गर्ने प्रस्ताव गरेसँगै सर्वाधिक शेयर खरिदबिक्री भएको हो । कम्पनीले गत आवको मुनाफाबाट शेयरधनीलाई ४० प्रतिशत बोनस शेयर र ६ प्रतिशत नगद लाभांश कर प्रयोजनको लागि वितरण गर्ने प्रस्ताव गरेको छ ।