जेसीआई काठमाडौं लेडी को ४३ औं बोर्डको अध्यक्षमा सोनी श्रेष्ठ

२७ मंसिर, काठमाडौं । जेसीआई काठमाडौं लेडीको ४३औ बार्षिक साधारण सभा सम्पन्न भएको छ । १९७८ मा स्थापना भएको जेसीआई काठमाडौं लेडी सामाजिक संस्था हो । संस्थाले सामाजिक सेवाको साथै व्यक्तित्व र नेतृत्व विकास गर्न मुख्य भूमिका खेल्दै आएको छ । सोही उदेश्य अनुरुप स्थापना कालदेखि नै जेसीआइ काठमाडौंले सामाजिक, आर्थिक तथा समय अनुकूल विभिन्न क्रियाकलाप गर्दै आएको छ ।

गत मंसिर २४ गते सम्पन्न कार्यक्रममा २०२१ का अध्यक्ष जेसी रिन्कु बजाचार्य श्रेष्ठ कार्यक्रमको सभापति, प्रमुख अतिथि अधिवक्ता श्रृजना माली प्रधान, अतिथि जेसीआई काठमाडौं लेडीका १९९९ का अध्यक्ष साथै सन् २००० का जेसीआइ भिपि सेन कृति तुलाधर थिए । कार्यक्रमको सुरुवात वर्ष २०२१ का कार्यकारीणी उपाध्यक्ष जेसी सुनिता राजभण्डारी स्वागत मन्तब्यबाट आरम्भ भएको थियो ।

वर्षभरिको कार्यक्रमको प्रतिवेदन २०२१ का महासचिव जेसी सोनी श्रेष्ठले पढेर सुनाएकी थिइन् । त्यस्तै कार्यक्रममा अतिथि वक्ताले महिलाको हक, हित र अधिकार सम्बन्धि महत्वपूर्ण भनाइ राखेकी थिइन् । जेसिआई वर्ष २०२१ का अध्यक्षले आफ्नो छोटो मिठो भनाइ साथै बर्ष भरिको कार्यक्रमको विवरण सुनाएका थिए । कार्यक्रममा थेम डाईरेक्टर जेसी शिल्भि नकर्मिले धन्यवाद मन्तव्य राखेका थिए ।

काठमाडौं लेडीको ४३औ बार्षिक साधारण सभा २०२१ का सभापतित्व जेसी रिन्कु बजाचार्य श्रेष्ठ, निर्वाचन आयुक्त कमिटीमा वर्ष २०१६ का अध्यक्ष सुनिता श्रेष्ठ साथै सहयोगिमा वर्ष २०१७ की अध्यक्ष सजना नकर्मीबाट सर्वसम्मत २०२२ का लागि नयाँ बोर्ड चुनिएको थियो ।

नव गाठित बोर्डमा अध्यक्ष सोनी श्रेष्ठ, कार्यकारीणी उपाध्यक्ष सबिना श्रेष्ठ, मिलि श्रेष्ठ र शर्मिला नकर्मी रहेका छन् । त्यस्तै महासचिवमा कमला गुरुङ प्रधान चयन भएका छन् । त्यस्तै कोषाध्यक्षमा शिल्भि नकर्मी, उपाध्यक्षमा स्वेच्छा रन्जित, शाइना तामाराकार, सबिना महर्जन श्रेष्ठ, दिल शाहि, माला थाहा मगर, शान्ता भट्टराई चयन भएका हुन् । कार्यक्रम ठमेलको लुना रेस्टुरेन्टमा सन्चालन भएको थियो ।