१० दिनमा ओमिक्रोन भेरियन्ट ३५ देशमा

२८ मंसिर, काठमाडौं । विश्वभर कोभिडको नयाँ भेरियन्ट ओमिक्रोन तिव्र रुपमा फैलिदै गएको छ । अन्तराष्ट्रिय समाचार एजेन्सीको अनुसार करिव १० दिनमा नयाँ भेरियन्ट ३५ देशमा फैलिए पछि आम नागरिकमा त्रास छाएको छ । यसलाई कोरोनाको तेस्रो लहरको रुपमा पनि लिईएको छ । यो डेल्टा भेरियन्ट भन्दा १० गुना बढी तिव्र रुपले फैिलएको देखिएको छ ।

यसको अर्को खतरनाक पक्ष भनेको रुप बदल्नुलाई लिन सकिन्छ । यसले १० दिनको भित्र ५० भन्दा बढी रुप फेरिसकेकोे छ । यसको संक्रमण पनि तिव्र रुपमा भईरहेको देखिएको छ । ओमिक्रोन एक व्यक्तिबाट ३० जनामा फैलिएको देखिएको छ ।

यो डेल्ठा भेरियन्ट भन्दा २०० गुना बढी तिव्र रुपमा फैलिएको देखिन्छ । यस्तै यो डेल्टा भेरियन्ट भन्दा तीन गुना बढी रिइन्फेक्सन हुने खतरा हुन्छ । यसको मतलब जो व्यक्ति पहिला कोरोना संक्रमित भएको छ ,उसलाई ओमिक्रोन भेरियन्ट हुने संम्भावना तिन गुना बढी हुन्छ ।

कोरोना लागेको ९० दिन पछि पनि परिक्षणमा कोरोना पोजेटिभ देखाएको छ भने त्यसलाई रिइन्फेक्सन भन्दछ । यो खोप लगाई सकेको व्यक्तिमा पनि पाईएकोले खोप पनि यसमा प्रभावकारी नहुने देखिएको छ ।

अहिले सम्म ओमिक्रोन ५९ देशमा देखिईसकेको छ । भने २९३६ जनामा यो भेरियन्ट फेला परेको छ । भारतमा मात्र ३० जना भन्दा बढीमा यो भेरियन्ट पाईएको छ ।