कांगेस वरिष्ठ नेता शेखर कोइरालाले भने जस्तै यसकारण राजनीतिले नेपाली जनताको समर्थन प्राप्त गरेको हुनुपर्दछ

नेपालको राजनीतिमा बिगत केही समयदेखि मौलाएको एउटै मात्र कुरा हो अविश्वास र अराजकता । राजनीतिमा विश्वासको अभाव भयो भने ईमान्दार राजनीतिको कल्पना गर्न सकिदैन । प्रतिपक्षसँग मात्र हैन स्वयं आफ्नै दलभित्र पनि मडारिएका अविश्वासका बादलहरुलाई हटाउन सकिएन भने नेपालमा दलीय व्यवस्थाको भविष्य समेत अप्ठ्यारोमा पर्न सक्ने अवस्था देखिदैछ ।

जनताका समस्याका चाँङ्गहरुलाई एकातिर पन्छ्याएर केबल केही मुठीभर नेता र तिनै नेताका आफन्तका मनोकांक्षा पुरा गर्ने साधन बन्न थालेपछि नेपाली जनतामा बहुदलीय व्यवस्था र त्यस व्इवस्थाका लागि लडेका नेताहरु प्रति बितृष्णा पैदा हुँदै गएको कुरामा भने अब कसैले डोकोले छोप्नु पर्ने अवस्था नै रहेन ।

वर्तमान दलका नेताहरुमा देश र जनताको पक्षमा कसरी काम गर्ने ? जनकेन्द्रीत बिकासका योजनाहरु कसरी बनाउने ? र बनाईएका योजनाहरु कसरी समयमै एवं जनताको प्रत्यक्ष सहभागितामा कार्यान्वयन गराउने भन्ने कार्यनीति बनाउने भन्दा पनि कसरी नेताको अघिपछि लागेर चुनावमा टिकट हत्याउने ? भन्ने चिन्ता मात्रै बढी मात्रामा रहँदै आएको देखिएको छ । यसैका कारण देश र जनताले प्रजातन्त्र र गणतन्त्र प्राप्ति पछिका यतिका बर्षसम्म पनि अपेक्षित उपलब्धि हाँसिल गर्न सकेनन् । यो कुरामा भने कसैको पनि दुईमत नहुन सक्छ ।

अब जनताका सरोकार जनताकै विचारका आधारमा देश बिकासको खाका कोर्न जरुरी छ । यसले मात्रै नेता र जनता बीचको धुमिल भएको सम्बन्ध संलिन सक्नेछ ।

त्यसैले अब हामीले एउटा दृढ प्रतिज्ञा गर्न जरुरी छ कि अब बन्ने विकासका योजनाहरु जनताको चाहनाका आधारमा र जनताका आवश्यकताका आधारमा बनाउन जरुरी छ । यसका लागि हामीले सोही अनुरुपको नीति र कार्यक्रम बनाउन चाहन्छौ । आम नेपाली कांग्रेसका नेता तथा कार्यकर्ताहरुको एउटै चाहना के छ भने जनताका समस्या बुझ्न नेपाली कांग्रेस अब जनताका घरआँगनमा जान जरुरी छ । यसरी जनताको आँगनमा पुगेर जनताको प्रत्यक्ष सहभागितामा लिईएका जनताका आवश्यकताका बिषयहरुलाई लिखित रुपमा दस्ताबेजिकरण गरिनु पर्दछ ।

यसले देशैभरिबाट आवश्यकताको पहिचान, कार्यक्रम र बजेटसहितको सर्वेक्षण हुनेछ । सोही सर्वेक्षणका आधारमा नै नेपाली कांग्रेसको निर्वाचन घोषणापत्र निर्माण गर्नुपर्दछ । राजधानीका तारे होटलमा बसेर बनाईएका बिकास योजनाले नेपाली जनताको आवश्यकता र चाहनाको सम्बोधन गर्न सकेन । अब जनताका सरोकार जनताकै विचारका आधारमा देश बिकासको खाका कोर्न जरुरी छ । यसले मात्रै नेता र जनता बीचको धुमिल भएको सम्बन्ध संलिन सक्नेछ ।

जनताका प्रत्यक्ष सरोकार रहने बिषयहरुमा राज्य र सरकारको प्रत्यक्ष उपस्थिति भएको हुनु पर्दछ । शिक्षा, स्वास्थ्य, सुरक्षा जस्ता बिषयहरु जनतालाई निःशुल्क रुपमा उपलब्ध गराउने बिषयमा सरकार संवेदनशील बन्ने हो भने नागरिकले नेपाली कांग्रेसलाई कहिल्यै बिर्सने छैनन । यसका लागि हामी नेपाली कांग्रेसका सबै नेताहरुको दृढ संकल्प हुन जरुरी छ ।

यसरी जनताका झुपडीमा बसेर लिईएका बिकासका कार्यक्रमहरु र तिनलाई कार्यान्वयन गर्न के कस्ता योजनाहरु बनाउने र कसरी बिकासका योजना एवं कार्यक्रमहरु सञ्चालन गर्ने भनेर बनाईएका कार्यक्रमहरुलाई नै नेपाली कांग्रेसले आफ्नो घोषणापत्रमा समाबेश गर्नुपर्दछ । यही घोषणापत्रलाई ईमानदारिताका साथ कार्यान्वयन गर्ने, गराउने प्रतिबद्धतासहित नेपाली कांग्रेसलाई पुनः एकपटकका लागि बहुमत प्रदान गरिदिन आम नेपाली जनसमुदायसँग हार्दिक अनुरोध गर्नुपर्नेछ । यसले नेपाली कांग्रेसको छवि उच्च हुनुका साथै जनताको बिश्वास र समर्थन समेत प्राप्त हुन सक्नेछ । यसले नेपाली जनताको आशा, विश्वास र भरोसा नेपाली कांग्रेस तर्फ बढेर जानेछ र नेपाली कांग्रेसले स्पष्ट रुपमा बहुमत पनि प्राप्त गर्नेछ ।

अबको निर्वाचनबाट बन्ने नेपाली कांग्रेसको बहुमतप्राप्त सरकारले नेपाली जनताको प्रत्यक्ष संलग्नतामा निर्माण गरिएको घोषणापत्रमा उल्लेख भएका तिनै कार्यक्रममा आधारित रही स्थानीय तह, प्रदेश तह र संघीय तहमा उपलब्ध हुने बिकास बजेटलाई उच्चतम रुपमा सदुपयोग गर्दै देश बिकासको गतिलाई द्रुततर रुपमा अगाडि बढाउनु पर्नेछ ।

नेपाली कांग्रेसका वरिष्ठ नेता एवं सभापतिका प्रत्यासी डा. शेखर कोइराला भन्नुहुन्छ, मैले पटकपटक भन्दै आएको छु, हामीले गर्ने राजनीतिले नेपाली जनताको समर्थन प्राप्त गरेको हुनुपर्दछ । जनताका प्रत्यक्ष सरोकार रहने बिषयहरुमा राज्य र सरकारको प्रत्यक्ष उपस्थिति भएको हुनु पर्दछ । शिक्षा, स्वास्थ्य, सुरक्षा जस्ता बिषयहरु जनतालाई निःशुल्क रुपमा उपलब्ध गराउने बिषयमा सरकार संवेदनशील बन्ने हो भने नागरिकले नेपाली कांग्रेसलाई कहिल्यै बिर्सने छैनन । यसका लागि हामी नेपाली कांग्रेसका सबै नेताहरुको दृढ संकल्प हुन जरुरी छ ।

३० बर्ष भन्दा बढी नेपाली राजनीतिको मियोको रुपमा रहेर देश र जनताको नेतृत्व गरेको नेपाली कांग्रेस, त्यसको दुईगुणा भन्दा बढी देशमा नागरिक स्वतन्त्रताको लागि लडेका नेताहरुले अब जीवनको उत्तरार्धमा केही भए पनि जनताले सम्झन लायक काम गर्न जरुरी छ ।

विश्वेश्वरप्रसाद कोइराला र उनैले निर्माण गरेको नेपाली कांग्रेसलाई भजाएर देशको नेतृत्व तहमा पटक पटक पुग्न सफल नेपाली कांग्रेसका नेताहरुमा अब बुद्धि पलाउन जरुरी छ कि अब एकपटक बीपीले परिकल्पना गरेको कांग्रेस बनाउन लागि पर्नेछौ भनेर । यसले नेपाली जनताको नजरमा बिग्रन लागेको नेपाली कांग्रेसको छवि सुधार्न सहयोग समेत पुर्याउने छ । त्यसैले वर्तमान नेपाली कांग्रेसको नयाँ नेतृत्व यतातर्फ अग्रसर हुनुपर्छ । यति भएपछि मात्रै अबको नेपाली कांग्रेसको आगामी नेतृत्व युवापुस्ताले गर्नेछ ।