इन्जिनियर्स एसोसिएनको मतदान जारी, पाँच समुह प्रतिस्पर्धामा

२७ फागुन,काठमाडौं ।  नेपाल इन्जिनियर्स एसोसिएन ‘नेइए’ को नयाँ कार्यसमिति चयनका लागि निर्वाचन भइरहेको छ । देशभरका १४ स्थानमा विहान ९ बजेदेखि सुरु भएको मतदान साँझ पाँच सकिने बताइएको छ ।

मतदाताहरु २१ हजार ६८० छन् । निर्वाचनले २५ सदस्यीय केन्द्रीय समिति चयन गर्नेछ । नयाँ कार्यसमितिको कार्यकाल दुई वर्षे हुन्छ ।
३३ औं केन्द्रीय कार्यकारिणी समितिका लागि पाँच समूह प्रतिस्पर्धामा छन् । डेमोक्रेटिक पक्षधरका दुई समूहले छुट्टाछुट्टै प्यानल खडा गरेका छन् ।

डेमोक्रेटिक इन्जिनियरहरुको संस्था सेन्टर फर डेमोक्रेटिक इन्जिनियर्स ९सिडेन० दुई समूहमा विभाजित भएको छ । अध्यक्षमा उम्मेदवारी दिएका डा. हरिबहादुर दर्लामी र दिलीप कुमार झाले प्यानल सहित उम्मेदवारी दिएका छन् ।

दर्लामीलाई पार्टीको साथ छ भने झालाई सिडेनका ६ पूर्वअध्यक्षहरुको समर्थन छ । आफ्नै संगठनबाट वागी उम्मेदवार बनेपछि सिडेनले झासहित १३ जनालाई निष्कासन समेत गरेको छ ।

सत्ता गठबन्धनका अन्य तीन दल माओवादी केन्द्र, एकीकृत समाजवादी र जनता समाजवादीले छुट्टै प्यानल बनाएर निर्वाचनमा होमिएका छन् । एकीकृत प्रगतिशील इन्जिनियर समूहबाट तीन दल निकटका इन्जिनियरहरुले डा। हरिराम पराजुलीको नेतृत्वमा प्रतिस्पर्धा गरेका छन् ।