बालेन फकाउँदै दलहरुः उनी जता, उतै काठमाडौं महानगर
केदार भट्टराई (काका)
जेठ ८, २०७९ आइतबार २१:४८:१४
♦केदार भट्टराई
८ जेठ, काठमाडौं । केन्द्रीय राजधानी रहेको काठमाडौं महानगरपालिकाको मतपरिणाम रोचक बनिरहँदा त्यसको चर्चाको शिखरमा छन् मेयरका स्वतन्त्र उम्मेदवार बालेन्द्र साह (बालेन) । उनले प्राप्त गरेको मतलाई हेर्दा काठमाडौं महानगरभित्रका हरेक घरधुरीबाट कम्तिमा एकमत खसेको अनुमान लगाउन सकिन्छ ।
आँटिलो व्यक्तिका रुपमा चिनिएका एमाले उम्मेदवार केशव स्थापित र राजनीतिक घरानियाँबाट राजनीतिमा आएकी नेपाली कांग्रेसका उम्मेदवार सिर्जना सिंहले अब महानगरको नेतृत्व पाउने सम्भावना लगभग टरिसकेको छ । महानगरका ३२ वडामध्ये १४ वडाको मतगणना सकिँदा बालेन दोब्बर मतले अगाडि पुगिसकेका छन् ।
अझ रोचक पक्ष के छ भने लौरोमा मतदान गर्ने महानगरबासीलाई थाहा छैन कि साह को हुन, कसरी आए र उनलाई किन मतदान गरियो भन्ने विषयमा । सञ्चारमाध्यमसमेत बालेन साहको वास्तविकताको नजिक पुगेको देखिदैन् । उनी के को हुन भन्ने विषयमा अझै अन्योलता कायमै छ । बालेन कहाँबाट निर्देशित छन् भन्ने प्रश्न बाँकी नै छ ।
कतिपयले बालेनलाई पूर्वराजपरिवारसँग जोडेर उतैबाट चलिरहेको आशंका पनि गरेका छन् । जे भएपनि महानगरबासीले दलहरुप्रति जागेको असन्तुष्टि उनीमार्फत पोखेका छन् । यसले भोली महानगरका कामकारवाहीमा पार्ने राम्रा र नराम्रा असरहरुको भागिदार पनि मतदाताहरुनै बन्नुपर्ने निश्चित छ ।
चुनावी प्रचारदेखि बालेनसँगै उठबस गरिरहेका व्यत्तिहरुको भनाईमा बालेन साहको पारिवारिक राजनीतिक पृष्ठभूमि नेपाली कांग्रेससँग नजिक छ । कांग्रेस पृष्ठभूमिका बालेनले भोली महानगरको मेयर जितेर काम गर्न नसकेको अवस्थामा कुनै एक पार्टीको सहारा लिने र उनले कांग्रेसलाई रोज्न सक्ने चर्चा पनि सुरु भएको छ ।
उनी स्वतन्त्र उम्मेदवार भएकाले भोली दल प्रवेश वा दल अदलबदल गर्दापनि मेयर पदमा तलमाथि गर्न सकिने कानूनी आधार छैनन् । वरिष्ठ अधिवक्ता एवं पूर्वमहान्यायाधिवक्ता रमण श्रेष्ठका अनुसार बालेनले आफुलाई काम गर्न सहज हुने गरी कुनै पनि दलको सहारा लिन सक्ने र उनी जता गएपनि उनको पद पनि उतै जानेछ ।
बालेन आफैले दिएका कतिपय अन्तरवार्तामा भने कुनै पनि पार्टीमा प्रवेश नगर्ने बताएका छन् । उनी निकट व्यक्तिहरुका अनुसार बालेन लगायतको टीमले अगाडी नै पार्टी खोल्ने तयारी गरेको थियो र पछि पनि उनी पार्टी खोल्ने तयारीमै छन् । तर, अहिले भने उनलाई आफ्नो पार्टीमा ल्याउन सबै दलहरु लालायित नै देखिएका छन् ।
नेकपा एकीकृत समाजवादीकी नेतृ तथा मन्त्री रामकुमारी झाँक्रीले त मुखै खोलर बालेनलाई पार्टीमा आउन आग्रह गरिसकेकी छन् । अरु पार्टीहरुले भने अहिलेसम्म मुख खोलेका छैनन् । महानगरमा सबै सदस्यहरु पार्टीगत भएकाले भोलि उनलाई काम गर्न भने सहज देखिदैन ।
सरसर्ती हेर्दा बालेन्द्र साहको परिचय नेपाली र्यापर, सङ्गीत निर्माता, गीत लेखक, निर्देशक र स्ट्रकचरल इन्जिनियरका रुपमा चिनिन्छन् । उनी आयुर्वेदिक चिकित्सक डा. रामनारायण साह र ध्रुवदेवी साहका छोरा हुन् । उनले ह्वाइट हाउस इन्स्टिच्युट अफ टेक्नोलोजीबाट सिभिल इन्जिनियरिङ र कर्नाटक विश्वेश्वरैया राष्ट्रिय प्रौद्योगिक संस्थानबाट स्ट्रकचरल इन्जिनियरिङमा स्नातकोत्तर गरेका छन् ।
काठमाडौंको गौरीगाउँमा जन्मिएका शाह २०७२ सालको महाभूकम्पपछि उद्धार र राहतको काममा सक्रिय भएर समाजसेवामा लागेका थिए । यहीबाट उनले राजनीतिमा आउने सोच बनाएको उनी निकट व्यक्तिहरु बताउँछन् ।
केदार भट्टराई (काका)
नेपालबहस डटकमका कार्यकारी सम्पादक केदार भट्टराई दुई दशकदेखि नेपाली पत्रकारितामा क्रियाशील छन् । भूगोल साप्ताहिकबाट पत्रकारिता शुरु गरेका पत्रकार भट्टराईले साप्ताहिक विमर्श, देशान्तर, रेडियो नेपाल वाणी नेटवर्कमा काम गरिसकेका छन् । भट्टराईले आर्थिक, राजनीतिक, भ्रष्टाचार एवं विकृति र विसंगतिका विरुद्ध तीखो कलम चलाउँदै आएका छन् ।
लेखकबाट थपगिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
गिरीबन्धु टि स्टेटको जग्गा किनबेचमा पुनरावलोकन गर्न नपाइने, नैतिक संकटमा ओली
जेठ २, २०८१ बुधबार
बहुविवाहका आरोपी दाङका पौडेल पुर्पक्षका लागि कारागार चलान
जेठ २, २०८१ बुधबार
एपीएफ ललितपुर मेयर्स कपको फाइनलमा
जेठ २, २०८१ बुधबार
सोलार म्याक्सीमा : सूर्यमा हलचल, पृथ्वीमा खलबल
जेठ २, २०८१ बुधबार
उपप्रधानमन्त्री लामिछाने र स्वीडेनका राजदूत थेलेफबीच भेटवार्ता
जेठ २, २०८१ बुधबार
डढेलोबाट प्रभावित पश्चिमी क्यानडामा छ हजारभन्दा बढी विस्थापित
जेठ २, २०८१ बुधबार
निःशुल्क स्वास्थ्य शिविरबाट पाँच सयभन्दा बढी महिला लाभान्वित
जेठ २, २०८१ बुधबार