नाफाखोरको चंगुलमा मन्त्री बडू, जनता मारेर यसरी रचियो रातारात अर्बपति बन्ने खेल
केदार भट्टराई (काका)
जेठ १०, २०७९ मंगलबार १९:४९:४०
१० जेठ, काठमाडौं । प्राप्त कमिसनबाट रातारात माल हातपार्नेहरू इन्धनको मूल्यवृद्धिमा सरकारको बचाउ गर्दै भनिरहेका छन्, एक लिटरमा जम्मा १० रुपैयाँ बढेको त हो । यति महँगा गाडी चढेर हिँड्नेलाई १० रुपैयाँ बढी तिर्दा के फरक पर्छ ? तर, त्यही १० रुपैयाँभित्रबाट पाएको कमिसनले जिम्मेवार निकायमा बसेर निर्णय गराउने अधिकारीहरू एकरातमै करोडौँ कमाउन सफल भएका समाचारहरु बाहिरिएका छन् ।
खाना पकाउने ग्यास र अरू इन्धनको होलसेल १० रुपैयाँ मूल्य बढाउँदा सोझा र इमान्दार भनिएका उद्योग, वाणिज्य तथा आपूर्तिमन्त्री दिलेन्द्रप्रसाद बडूकोसमेत नाम जोडिएर आएकाे छ । उनले दुई दिनको तेल लुकाउने र रातारात भरिदिने कार्यका लागि सहयोग गरिदिए बापत नै राम्रै रकम हात पारेको चर्चा चोकचोकमा सुरु भएको छ ।
आम जनता, सञ्चारमाध्याम र सामाजिक सञ्जालमा जनता मारेर रातारात अर्बपति भएको खबर बाहिरिँदा मन्त्री बडू निःशब्द भएर बसेका छन् । उनलाई मन्त्री बनाउने नेपाली कांग्रेस सरकारको नेतृत्वमा छ । सांसदकै संख्या गन्ने हो भने पनि नचाहिँदा विषयमा संसद थर्काउने सांसद पनि कांग्रेसमा धेरै छन् ।
देशका अधिक जनता सत्ता नेतृत्व गरिहेको कांग्रेसविरुद्धमा उठेका छन् । स्थानीय तहको निर्वाचनमा ठूलो पार्टी भएको कांग्रेससँग जनअपेक्षा बढ्नुपर्ने हो । महँगीले बाच्नै नसक्ने अवस्थामा पुगेका जनताका लागि राज्यले गर्नुपर्ने दायित्व निर्वाहको भूमिका पनि सत्ता नेतृत्व गरिरहेको हिसाबले काग्रेसकै थियो । तर, उसका मन्त्री जनताका अगाडि अनुहारसम्म देखाउन नमिल्ने मूल्यांकनमा परेका छन् ।
सरकारी स्वामित्वको नेपाल आयल निगम तेल आयात गर्नै नसक्ने गरी घाटामा गएको छ । निगम घाटामा जानुका कारणहरू एउटा मात्रै छैन । बर्सेनि कर्मचारीलाई बोनस दिन सक्ने निगम इन्धन आयातका लागि पैसा तिर्न सक्ने अवस्थामा छैन । जसको नेतृत्वमा पनि नेपाली कांग्रेससँगै आबद्ध र मन्त्रीकै निकट मानिएका उमेश थानी छन् ।
इन्धनको मूल्यवृद्धि कुनै एक पक्ष र हुनेखानेका लागि मात्र सम्बन्धित छैन । मानिसका सबै पक्षमा यसले असर पारिरहेको छ । यस्तो समयमा मूल्य घटाउन सकिने पर्याप्त ठाउँ र अवस्था हुँदाहुँदै पनि मन्त्री बडू र आयल निगमका प्रबन्ध निर्देशक उमेश थानी इन्धन व्यापारी र नाफाखारीहरू जे भन्छन् त्यही मानेर निर्णय गरिरहेका छन् ।
अब लागौं कसरी आयो कमिसन र कसरी कमिदोरहेछ रातारात पैसा भन्ने प्रसंगतर्फ । उपभोक्ता जानकार छन् र उपभोक्ता अधिकारकर्मीहरूले दिएको सामान्य तथ्यले पनि इन्धनको मूल्यवृद्धिमा ठूलै चलखेलको सम्भावन देखाउँछ । औंला गनेर हिसाब गर्नेहरूले पनि सहज हिसाब निल्न सक्ने अवस्था छ ।
सरसरर्ती हेर्दा मुलुकभर दैनिक करिब ५२ लाख लिटर हाराहारीमा डिजेल र १८ देखि २० लाख लिटर पेट्रोल बिक्री हुन्छ । २०७७ मागमा व्यवसायीको आन्दोलनपछि पेट्रोलमा ०.३९५ र डिजेलमा ०.४७ प्रतिशत कमिसन बढाइएको थियो । जुनबेला बिक्रीसमेत निकै कम थियो भने यति बढाउँदा मात्रै डिजेलमा २२ लाख ५६ हजार र पेट्रोलमा ६ लाख ५१ हजार रुपैयाँ भएको थियो ।
यसपटकको १० रुपैयाँ मूल्य बढाउने तयारी गर्दै गर्दा तीन दिनसम्म देशभर इन्धनको हाहाकार बनाइयाे । जबकि कुनै पनि पेट्राेल पम्पमा तेलको अभाव थिएन । उपभोक्तालाई तेल सटेज भएको कारण देखाएर भएभरका सबै पेट्रोल पम्प खाली गराएर पुरानै मूल्यमा सबै पेट्रोल पम्पहरू भराइए । यसरी भराइएका पम्प र नेपाल पेट्रोलियम पदार्थ ढुवानी संघमार्फत १० रुपैयाँमा बेच्दा ५ रुपैयाँ कमिसन दिनुपर्ने सर्त बनाइएको अधिकारकर्मीहरू बताउँछन् ।
यसपटक पहिल्यै मूल्य सूचना चुहाइए पनि व्यवस्थित गरिएको थियो । व्यापारी पनि पोस्ने र आफू पनि पोसिने रणनीति अनुसार डिजेल, पेट्रोल, मट्टीतेलमा ० दशमलव केही अंकको कमिसन बढाउँदा लाखौंको हिसाब दैनिक आउँछ भने पाँच रुपैयाँकै दरले पनि अर्ब हाराहारीको हिसाब आउँछ । अझ खाना पकाउने ग्यासमा २ सय बढाएर १ सय रुपैयाँ कमिसन लिइएको बताइएको छ । उपभोक्ता अधिकारकर्मीहरूले पनि यही दाबी गरिरहेका छन् ।
केही समय अघिदेखि बजारमा खाना पकाउने ग्यासको मूल्य बढ्ने हल्ला चलेको थियो । मूल्य बढ्ने हल्लाका कारण खुद्रा डिलरदेखि आयातकर्ता र उद्योगीले पनि अधिक मात्रामा खाना पकाउने ग्यासको आयात गरेका थिए । जसलाई आयल निगमको २२ वैशाखको विज्ञप्तिले पनि पुष्टि गर्छ ।
बजारमा व्यापारीले ग्यासको कृत्रिम अभाव सिर्जना गरेको भन्दै निगमले दैनिक खपतभन्दा धेरै परिमाणमा ग्यासको आयात भएको भनी विज्ञप्ति नै जारी गरेको हो । दैनिक औसत माग र खपतभन्दा बढी परिमाणमा खाना पकाउने ग्यास आयात भएको बताउने निगम दुई दिन पछि सटेज भएको बताइरहेको छ ।
अर्को कुरा आईओसीबाट प्रतिलिटर १ सय १७ रुपैयाँ १८ पैसामा खरिद गरेको पेट्रोलमा प्रतिलिटर ६३ रुपैयाँ २३ पैसा, १ सय ३४ रुपैयाँ ५४ पैसामा किनिएको डिजेलमा ४५ रुपैयाँ ९१ पैसा कर-शुल्क लाग्छ । त्यसमा ढुवानी भाडा, निगमको प्रशासनिक खर्च, बीमा खर्च, निगमको प्राविधिक नोक्सानी, बिक्रेता कमिसन जोडेर उपभोक्तामाथि थप भार थोपरिएको छ ।
यो कर केही समयका लागि हटाउँदा मात्रै पनि अहिलेको समस्या हल हुने जानकारहरू बताउँछन् । नेपाल आयल निगमका अनुसार यो बेला ग्यासमा धेरै घाटा छ । यो सिजनमा अघिल्ला वर्षहरूमा देशभर औसतमा दैनिक ७० देखि ८० बुलेट ग्यास खपत हुन्थ्यो भने अहिले दैनिक १३० बुलेट ग्यास नेपाल भित्रिरहेको छ । अहिलेको यो महिनाको खपतका लागि ४७ हजार १२५ मेट्रिक टन ग्यास आयात भएको छ । यसलाई सिलिन्डरमा भन्दा ३३ लाख १८ हजार ६६१ सिलिन्डर बराबर हो । तर, व्यापारी भनिरहेका छन् ग्यास छैन ।
यसरी बढी आयात भएको ग्यास अब उद्योगीले मूल्य बढाएर बेच्न पाउने भएका छन् । व्यापारीले उपभोक्तालाई १४.२ किलो ग्रामको ग्यास बिक्री गर्दै आएको १० हजार २०० मेट्रिक टन बढी ग्यास व्यापारीले २०० रुपैयाँ थपेर बेच्दै छन् । यो लाभ व्यापारीले मात्रै लिएको भन्न सकिने अवस्था छैन । यस अघि १६०० रुपैयाँ प्रतिसिलिन्डरमा बिक्री हुने ग्यासको मूल्य आइतबारबाट १८०० रुपैयाँ पुगेको छ । जसबाट मात्रै ६६ करोड ३७ लाखमाथि कमाइ हुने देखिन्छ ।
केदार भट्टराई (काका)
नेपालबहस डटकमका कार्यकारी सम्पादक केदार भट्टराई दुई दशकदेखि नेपाली पत्रकारितामा क्रियाशील छन् । भूगोल साप्ताहिकबाट पत्रकारिता शुरु गरेका पत्रकार भट्टराईले साप्ताहिक विमर्श, देशान्तर, रेडियो नेपाल वाणी नेटवर्कमा काम गरिसकेका छन् । भट्टराईले आर्थिक, राजनीतिक, भ्रष्टाचार एवं विकृति र विसंगतिका विरुद्ध तीखो कलम चलाउँदै आएका छन् ।
लेखकबाट थपप्राधिकरणलाई २१ करोड तिरेर टेलिकमले लियो लाइसेन्स
बैशाख २८, २०८१ शुक्रबार
एक महिना अघि नै इजरायलबाट आउने भनेको जहाज आएन, यति बेला आएर छानबिन उपसमिति गठन
बैशाख २८, २०८१ शुक्रबार
बन्द भएको बेलको जुस उद्योग सञ्चालनको तयारी
बैशाख २८, २०८१ शुक्रबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
बारामा चोरी सिकारी समूह सक्रिय, वन कार्यालय छेउमै हरिणको सिकार
बैशाख ३१, २०८१ सोमबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
सरकारी बजेटः कुल १७ खर्ब ५१, खर्च १० खर्ब ५६ अर्ब
जेठ १, २०८१ मंगलबार
अब सर्वोच्चमा पनि अनलाइनबाटै रिट दर्ता गर्न मिल्ने
जेठ १, २०८१ मंगलबार
बंगलादेशको टी-२० विश्वकप खेल्ने टिमको घोषणा
जेठ १, २०८१ मंगलबार
सुकेधारामा पुरुषको शव फेला
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार