आजको मौसम : देशका केही भू-भागमा पानी पर्ने सम्भावना

२३ जेठ काठमाडौं । देशका केही भू-भागमा आज पानी पर्ने सम्भावना छ । जल तथा मौसम विज्ञान विभागका अनुसार सोमबार प्रदेश–१, बागमती र गण्डकी प्रदेशका केही स्थान तथा मधेस प्रदेशका थोरै स्थानहरूमा मेघगर्जन र चट्याङसहित हल्कादेखि मध्यम वर्षाको सम्भावना छ ।

अहिले प्रदेश–१, बागमती र गण्डकी प्रदेशका केही स्थानहरूमा वर्षा भइरहेको छ । बाँकी भूभागहरूमा आंशिक बदली छ ।

विभागका अनुसार नेपालको पूर्वी भू-भागमा मनसुनी वायुको सामान्य प्रभाव छ । पश्चिमी भू-भागमा स्थानीय वायुको प्रभाव छ । सोमबार राति प्रदेश–१, मधेश, बागमती र गण्डकी प्रदेशमा सामान्य बदली तथा बाँकी भूभागमा आंशिक बदली रहनेछ ।

प्रदेश–१, मधेस, बागमती र गण्डकी प्रदेशका केही स्थान र बाँकी प्रदेशहरूका पहाडी भू-भागका एक/दुई स्थानहरूमा मेघगर्जन / चट्याङसहित हल्कादेखि मध्यम वर्षाको सम्भावना छ ।