ट्रक व्यवसायीद्वारा सरकारले निर्धारण गरेको ढुवानी भाडा कार्यान्वयन गर्न माग
नेपालबहस संवाददाता
असार १, २०७९ बुधबार २१:१८:४१
१ असार, नेपालगंज । बाँकेका ट्रक व्यवसायीहरुले आफ्नो व्यवसाय धराशयी भएको जनाउँदै सरकारको ध्यानाकर्षण गराएका छन् । व्यवसायीले सरकारकै कारण आफूहरु व्यवसायबाट पलायन हुने अवस्थामा पुगेको आरोप लगाउँदै सरकारले निर्धारण गरेको ढुवानी भाडा कार्यान्वयन गर्न आग्रह समेत गरेका हुन् ।
नेपालगंज ट्रक व्यवसायी समितिका अध्यक्ष महेन्द्र मल्लले सरकारले व्यवसायीको सवालमा नीति बनाउन नसक्नाले र बनाएका नीति पनि कार्यान्वयन नभएकाले ट्रक व्यवासायीहरु पलायन हुने अवस्था रहेको बताए ।
सरकारका करण व्यवसायीले आफ्ना ढुवानीका साधन थन्क्याउनुपर्ने अवस्थामा पुगेको उल्लेख गर्दै उनले जायजेथा राखेर गरिएको व्यवसाय आज निल्नु न ओकल्नु जस्तै भएको छ भने । राज्यको कर प्रणाली चुस्तदुरस्त नहुनु, इन्धन र गाडीको अस्वाभाविक मूल्यवृद्धि, नीतिगत उल्झन लगायतका कारण अरबौँ लगानी रहेको ट्रक व्यवसायी पलायनको अवस्थामा पुगेको उनले जाकारी दिए ।
कोहलपुर ट्रक प्रालिका अध्यक्ष यज्ञबहादुर ओलीले इन्धन र गाडीका पाटपुर्जाको मूल्यवृद्धि हुँदा सरकारले ढुवानी भाडा नबढाएको गुनासो गरे । उनले ढुवानी भाडा नबढाए पनि सरकारले तोकेको ढुवानी भाडासमेत आफूहरुले पाउन नसकेको उल्लेख गरे । पछिल्लो पटक सरकारले तराईमा प्रतिकिलोमिटर रु ७ रुपैया ६२ पैसा र पहाडमा प्रतिकिलोमिटर १४ रुपैयाँ ४८ पैसा ढुवानी भाडा निर्धारण गरेको छ । सो भाडा पनि सरकारले ढुवानी व्यवसायीलाई दिलाउन नसकेको बताइएको छ ।
सिद्ध कैलाश ट्रक प्रालिका महासचिव रत्नबहादुर थापाले नियमनकारी निकाय मौन भएर बसेका कारण व्यापारीहरु मोटाउने र ढुवानी व्यवसायी ठगिनुपर्ने अवस्था आएको बताए । ट्रक व्यवसायीहरुले चुंगी कर, सडक कर र गद्दी खर्च लगायतका करले व्यवसायी पीडित हुनु परेको गुनासो गरेका छन् । उनीहरुले आयकर र अग्रिम करलाई व्यावहारिक बनाउनसमेत माग गरेका छन् ।
भेरी ट्रान्सपोर्ट एसोसिएशन, भेरी अंचल ट्रक समिति, नेपालगञ्ज ट्रक प्रालि, कोहलपुर ट्रक प्रालि र सिद्ध कैशाल ट्रक प्रालिले कार्यगत एकता गरेर यही असार २ गतेदेखि ट्रक सञ्चालन नगर्ने चेतावनी दिएका छन् । बाँकेमा करिब एक हजार ट्रक व्यवसायी छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबर्दियामा मृतावस्थामा पाटेबाघ फेला प¥यो
जेठ ६, २०८१ आइतबार
बहुविवाहका आरोपी दाङका पौडेल पुर्पक्षका लागि कारागार चलान
जेठ २, २०८१ बुधबार
कपिलवस्तुमा राष्ट्रिय एकता अभियानको सम्मेलन सम्पन्न
बैशाख ३१, २०८१ सोमबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
तपाईको आजको राशीफल कस्तो छ ?
जेठ ६, २०८१ आइतबार
हावाहुरीले उदयपुरमा करोडौँको क्षति
जेठ ६, २०८१ आइतबार
ट्राफिक प्रहरी जवानको हत्या आरोपमा ६ जना पक्राउ
जेठ ६, २०८१ आइतबार
७५ प्रतिशत नागरिक उच्च गुणस्तरको खानेपानीको पहुँच बाहिर
जेठ ६, २०८१ आइतबार
बर्दियामा मृतावस्थामा पाटेबाघ फेला पर्यो
जेठ ६, २०८१ आइतबार
बर्दियामा मृतावस्थामा पाटेबाघ फेला प¥यो
जेठ ६, २०८१ आइतबार
कञ्चनपुरको न्यायिक समितिमा इजलास र जनशक्ति अभाव
जेठ ६, २०८१ आइतबार
बिआरआई कार्यान्वयन योजना अन्तिम चरणमा
जेठ ६, २०८१ आइतबार
संसदीय छानबिन समिति गठन नभएसम्म संसद् बैठकमा अवरोध जारी रहन्छ : कांग्रेस
जेठ ६, २०८१ आइतबार