स्याङ्जाबाट खयरको काठसहित एक जना पक्राउ

♦ प्रकाश डोटेल

३ असार, स्याङ्जा । स्याङ्जाको चापाकोट नगरपालिका ७ बनकट्टाबाट खयरको काठसहित एक जना पक्राउ परेका छन् ।

पक्राउ पर्नेमा पाल्पा रामपुर नगरपालिका ६ बस्ने ट्याक्टर चालक २३ वर्षिय सोमबहादुर कुमाल रहेको इलाका प्रहरी कार्यालय चापाकोटका डिएसपी खर्क नारायण शाहले जानकारी दिए ।

चापाकोट नगरपालिका ७ को खहरे तिलपुर सामुदायिक वनमा लोड गरिरहेको अवस्थामा गएराती कुमाललाई खयरको काठसहित लु ३ त ३३४२ नम्बरको ट्याक्टर प्रहरीले नियन्त्रणमा छ ।

वन उपभोक्ता समितिको मिलोमतोमा खयरको काठ अबैध निकासी गरेको आशंकामा काठ सहित ट्याक्टर नियन्त्रणमा लिएको प्रहरीले जनाएको छ । प्रहरीका अनुसार काठ पाल्पाको रामपुर निकासी गर्न लागिएको थियो ।