नेपाल इन्स्युरेन्सको २१ लाख ५७ हजार कित्ता संस्थापक शेयर बिक्रीमा

२४ असार, काठमाडौं । नेपाल इन्स्युरेन्सका संस्थापकले आफ्नो स्वामित्वमा रहेको २१ लाख ५७ हजार ६१५ कित्ता शेयर बिक्री खुला गरेका छन् ।

जसमा आइएमई लिमिटेड, आइएमई इन्भेस्टमेन्ट प्रालि र आइएमई होल्डिङ प्रालिको नाममा समान सात लाख १९ हजार २०५ कित्ता शेयर छ । यसमा नेपाल इन्स्युुरेन्सकै संस्थापक शेयरधनीले मात्र आवेदन दिन सक्नेछन् ।

शेयर खरिद गर्न इच्छुक संस्थापकले सूचना जारी भएको मिति अर्थात् २४ असारदेखि ३५ दिनभित्र नेपाल इन्स्युरेन्सको केन्द्रीय कार्यालय कमलादी, काठमाडौंमा निवेदन दिनुपर्नेछ । यस अवधिमा कुनै पनि संस्थापकबाट आवेदन नपरेमा भने सर्वसाधारण लगानीकर्तालाई बिक्री खुला गरिने कम्पनीले जनाएको छ ।