मंगलबार नेप्से दोहोरो अंकले बढ्दा कारोबार रकम भने बढ्न सकेन

२८ असार, काठमाडौं । मंगलबार शेयरबजारको परिसूचक नेप्सेमा सामान्य सुधार देखिएको छ । नेप्से दोहोरो अंकले बढ्दा कारोबार रकम भने घटेको छ । ११.६८ अंकले बढेर नेप्से १९२७ अंकमा कायम भएको छ । सोमबार २ अर्ब ३२ करोडको कारोबार भएकोमा मंगलबार १ अर्ब ७० करोडमा खुम्चिएको छ ।

सबै सूचक बढेका छन् । बैंकिङ ४, विकास बैंक २६, फाइनान्स २०, होटल तथा पर्यटन ४१, जलविद्युत् ३०, जीवन बीमा ११, उत्पादन ६५, लघुवित्त १६, निर्जीवन बीमा ७४, अन्य ३ र व्यापार उपसमूह २६ अंक घटे । कुल १३० कम्पनीको मूल्य बढ्दा ४९ को घट्यो भने १० को स्थिर रह्यो ।

सप्तकोसी विकास बैंकको मूल्य सबैभन्दा धेरै ९.३ प्रतिशत बढ्यो । एनआरएन इन्फ्रास्ट्रक्चरको ८.२, युनाइटेड इन्स्योरेन्सको ६.९ प्रतिशत बढ्यो । नयाँ सारथी लघुवित्तको मूल्य ४.६ प्रतिशत घट्यो । कारोबार रकमका आधारमा अरुण काबेली, गोर्खा फाइनान्स, शिवम् सिमेन्ट, युनाइटेड इदी मर्दी र हिमालयन डिस्टिलरी क्रमशः अगाडि रहे ।