एचआईडीसीएलको लिलामी शेयर बाँडफाँट

३१ असार, काठमाडौं । हाइड्रो इलेक्ट्रीसिटी इन्भेष्टमेन्ट एन्ड डेभलमेन्ट कम्पनी लिमिटेड (एचआईडीसीएल) ले लिलामीमा बिक्री गरेको लिलामी शेयर बाँडफाँट भएको छ ।

कम्पनीले हकप्रद शेयर निष्काशन गर्दा बिक्री नभएको संस्थापक समूहको ३ करोड कित्ता शेयर लिलामीमार्फत् बिक्रीमा ल्याएको थियो । सोही लिलामी शेयर बाँडफाँट गरिएको हो ।

यसमान्यूनतम १०० रुपैयाँ (कट अफप्राइस) कबोल गरेर बोलपत्र पेस गर्ने ३७७ जना आवेदकले शेयर पाएका छन् । यता, आवेदकले लिलामी बाँडफाँटमा नपरेको शेयरबापतको पैसा आइतबारदेखि फिर्ता पाउने बिक्री प्रबन्धक ग्लोबल आईएमई क्यापिटलले जनाएको छ ।