जनरल इन्स्योरेन्स र गण्डकी मेडिकल कलेजबीच नगदरहित सेवा प्रदान गर्ने सम्झौता

१३ साउन, काठमाडौं । जनरल इन्स्योरेन्स कम्पनी नेपाल लिमिटेड र गण्डकी मेडिकल कलेजबीच नगदरहित सेवा प्रदान गर्ने सम्बन्धी सम्झौता भएको छ।

उक्त सम्झौतापत्रमा जनरल इन्स्योरेन्स कम्पनी नेपाल लिमिटेडका प्रमुख कार्यकारी अधिकृत राम चन्द्र श्रेष्ठ र गण्डकी मेडिकल कलेज तर्फबाट प्रा.डा.रविन्द्र प्रसाद श्रेष्ठले हस्ताक्षर गरेका हुन् ।

यस सम्झौता पश्चात जनरल इन्स्योरेन्स कम्पनी नेपाल लि. बाट औषधोपचार बीमा सेवा खरिद गर्ने ग्राहकहरुले बीमालेखको सीमा सम्म गण्डकी मेडिकल कलेज टिचिङ हस्पीटल एण्ड रिसर्च सेन्टर प्रा लि बाट नगदरहित हस्पिटलाईजेशन सुविधा प्राप्त गर्न सकिने कम्पनीले जनाएकाे छ ।