लोसपामा दुई धारः प्रधानमन्त्रीसँग पाँचपटक भेट, एमालेसँगै पनि नजिकको सम्बन्ध
कुसुम सेञ्चुरी
साउन २६, २०७९ बिहिबार १७:१९:१२
२६ साउन, काठमाडौं । अघिल्लो वर्ष नेकपा एमालेसँग नजिक रहेको लोकतान्त्रिक समाजवादी पार्टी (लोसपा) संघीय संसदको निर्वाचन मिति घोषणा हुने वित्तिकै कांग्रेससँग नजिक भएको छ ।
मधेश प्रदेशलाई कांग्रेस र एमाले दुवैले प्राथमिकतामा राखेका कारण लोसपा दुवैतिर नजिक जस्तो देखिएपनि अहिले भने कांग्रेससँगको सहकार्यका लागि अघि बढ्न खोजेको छ । लोसपाभित्र दुई धार देखिएको छ तर पछिल्लो पटक भने कांग्रेससँग नजिक हुन खोजेको देखिन्छ’, स्रोतले भन्यो ।
नेपाली कांग्रेसका सभापति एवं प्रधानमन्त्री शेरबहादुर देउवाले मंसिर ४ गते हुने प्रदेश र प्रतिनिधिसभा निर्वाचनमा सहकार्य गर्न र सत्ता गठबन्धनमा आबद्ध हुन लोकतान्त्रिक समाजवादी पार्टी (लोसपा) का अध्यक्ष महन्थ ठाकुरसँग प्रस्ताव गरेका छन् ।
प्रधानमन्त्री देउवाले लोसपा अध्यक्ष ठाकुरसहितका शीर्ष नेतासँग यस्तो प्रस्ताव राखेका हुन् । ठाकुरसहित लोसपाका नेताहरू प्रधानमन्त्री देउवासँग कुराकानी गर्न गत हप्ता बालुवाटर पुगेका थिए । ‘ हामी प्रधानमन्त्रीलाई भेट्न गएका थियौ, त्यतिबेला सहकार्यको विषयमा कुराकानी भयो, प्रधानमन्त्रीज्यूले सत्ता गठबन्धनमा सहभागी हुन औपचारिक रूपमा प्रस्ताव गर्नुभएको छ,’ लोसपा नेता राजेन्द्र महतोले भने । उनका अनुसार सो प्रस्तावलाई लोसपाले सकारात्मक रूपमा लिएको छ । सत्ता गठबन्धनको नेतृत्व गर्दै आएका देउवाको प्रस्तावका विषयमा पार्टीभित्र छलफल गरेर निष्कर्षमा पुग्ने लोसपाले जनाएको थियो ।
लोसपाले यसअघि नै अन्य दलसँग गठबन्धन गरेर प्रदेश र प्रतिनिधिसभा चुनावमा सहभागी हुने निर्णय गरेको छ । यस विषयमा लोसपाका नेताहरूले विभिन्न दलसँग औपचारिक-अनौपचारिक छलफल गरिरहेका छन्। लोसपाका नेताले एमाले अध्यक्ष केपी शर्मा ओलीसँग पनि कुराकानी गरेका छन् ।
लोसपा स्रोतका अनुसार गठबन्धन गर्ने विषयमा पार्टीमा दुई धार छ । केही नेता सत्ता गठबन्धनमा जानुपर्ने र केही नेता एमालेसँग गठबन्धन गर्नुपर्ने पक्षमा छन । कांग्रेससँग उपेन्द्र यादवको जसपा भएकाले धोका हुनसक्ने भएकाले एमालेतिर पनि सम्बन्ध राख्नुपर्छ भन्ने समूह पनि रहेको छ ।
देउवाले लोसपालाई सरकारमा सहभागी हुन पनि प्रस्ताव गरेका छन् । सरकारसँग लोसपाले राखेका मागमध्ये केही पूरा भएको र केही पूरा गर्ने क्रममा सरकार रहेको भन्दै नागरिकता विधेयक पास भएको अवस्थामा कांग्रेससँग नजिक भएको हो । मधेस आन्दोलनका क्रममा लगाइएका झुटा मुद्दा फिर्ता लिन लोसपाले प्रधानमन्त्रीलाई प्रस्ताव गरेको थियो । लोसपाले सरकारमा सहभागी हुने इच्छा राखेपनि तत्काल त्यो संभावना टरेको स्रोतको छ ।
चुनावको मिति घोषणा गरेपछि सरकार स्वतः काम चलाउ हुने भएकाले अब मन्त्रिमण्डल पुनर्गठन हुन नसक्ने विपक्षी एमालेको भनाइ छ । पछिल्लो समय प्रधानमन्त्री र लोसपाका नेताहरूबीच सम्बन्ध सुधार भएको छ । लोसपा कार्यकारिणी समिति सदस्य केशव झाका अनुसार स्थानीय तह चुनावपछि देउवा र ठाकुरवीच ५ पटक भेट भइसकेको छ । स्थानीय तह चुनावअघि पनि देउवा र ठाकुरबीच पटकपटक भेट भएको थियो । स्थानीय चुनावअघि नै प्रधानमन्त्रीले लोसापलाई गठबन्धनमा ल्याउन प्रयास गरेका थिए ।
त्यसबेला जनता समाजवादी पार्टीका अध्यक्ष उपेन्द्र यादव लोसपालाई ५ सत्ता गठबन्धनमा ल्याउन तयार भएनन् तर अहिले परिस्थिति केही फेरिएको छ । जसपा र लोसपाबीचको पानी बाराबारको अवस्था फेरिएको छ । त्यसैले अब लोसपालाई सत्ता गठबन्धनमा ल्याउन यादव पनि राजी हुने स्रोतले बतायो । सीट बाँडफाँड गर्न बनेको सत्ता गठबन्धनको समितिले पनि लोसपालाई गठबन्धनमा ल्याउने प्रयास गरिरहेको छ । तर लोसपाले एमालेसँग कुराकानी गरिरहेकाले गठबन्धनमा रहेका दलहरु सशंकित बनेका छन् ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपप्रतिपक्षी दलहरुको निष्कर्ष, सभामुख मर्यादाहीन भए
जेठ ७, २०८१ सोमबार
राष्ट्रियसभामा पनि कांग्रेसको अवरोध, बैठक स्थगित
जेठ ७, २०८१ सोमबार
सिटिजन्स बैंकका सबै कार्डहरू अति सुरक्षित छन्, ढुक्कले चलाउनु भए हुन्छ
जेठ ६, २०८१ आइतबार
तपाईको आजको राशीफल कस्तो छ ?
जेठ ७, २०८१ सोमबार
कोरियन नागरिकको सहयोगमा विद्यालयमा शौचालय
जेठ ७, २०८१ सोमबार
महिला उद्योगी व्यवसायी बढ्दै, १० महिनामा दुई करोड ६३ लाख राजस्व संकलन
जेठ ७, २०८१ सोमबार
वैदेशिक रोजगारीमा विभिन्न देश पठाइदिन्छु भन्दै ठगी गर्ने तीन जना पक्राउ
जेठ ७, २०८१ सोमबार
आम्दानीको स्रोत बन्दै बगरखेती
जेठ ७, २०८१ सोमबार
बाँदरबाट जोगाउन नसकिएपछि धानको विकल्पमा कागतीखेती
जेठ ७, २०८१ सोमबार