चिनियाँ राष्ट्रपति सीले रुसी समकक्षी पुटिनलाई बालीमा भेटने

३ भदौ, काठमाडौँ । चिनियाँ राष्ट्रपति सी चिनफिङले रुसी समकक्षी भ्लादिमिर पुटिनसँग इन्डोनेसियाको बालीमा भेटघाट गर्ने बताइएको छ । इन्डोनेसियाका राष्ट्रपति जोको विडोडोलाई उद्धृत गर्दै बीबीसीले दुवैजनाबीच बालीमा भेटवार्ता हुने उल्लेख गरेको छ ।
ब्लुमवर्गसँगको अन्र्तवार्तामा विडोडोले भन्नुभयो, “ग्रुप अफ ट्वान्टी(जी ट्वान्टी)को बैठकमा सहभागी हुन दुवै जना बाली आउने बताउनुभएको छ ।” जी ट्वान्टीको बैठक आगामी नोभेम्बर महिनामा इन्डोनेसियाको बालीमा हुँदैछ । रुसले यूक्रेनमा सैन्य हस्तक्षेप गरेयताको यो विश्वका प्रभावशाली राष्ट्रहरु जमा हुने पहिलो अवसर हुनेछ ।
चिनियाँ राष्ट्रपति सी चिनफिङ इन्डोनेसियाको भ्रमण गरे जनवरी २०२० पछि उनको यो पहिलो विदेश यात्रा हुनेछ । उक्त बैठकमा अमेरिकी राष्ट्रपति जोइ बाइडेनसमेत सहभागी हुने बताइएको छ । तर उहाँले पुटिनसँग भेटघाट गर्ने वा नगर्ने अझै तय भइसकेको छैन् ।
अमेरिकाले यसअघि रुसलाई जी २० बाट हटाउन आग्रह गरेको थियो ।