माधव नेपालको आग्रहमा माओवादी केन्द्रको नाम परिवर्तन गर्न प्रचण्ड सहमत
कुसुम सेञ्चुरी
भदौ ६, २०७९ सोमबार २३:१८:४
६ भदौ, काठमाडौं । नेकपा माओवादी केन्द्रका अध्यक्ष प्रचण्ड र नेकपा (एकीकृत समाजवादी)का अध्यक्ष माधवकुमार नेपाल माओवादी केन्द्रको नाम परिवर्तन गर्न सहमत भएका छन् । सोमबार प्रचण्डका भाञ्जा गोकुल भण्डारीको अपार्टमेण्टमा भएको भेटघाटमा सो सहमति भएको स्रोतले जनाएको छ । एस पार्टीका अध्यक्ष नेपालले माओवादीको नाम परिवर्तन नगरी पार्टी एकीकरणमा अप्ठेरो पर्ने भनेपछि प्रचण्ड माओवादीको नाम परिवर्तन गर्न सहमत भएका हुन् ।
गत सोमबारको भेटघाटमा एउटै घोषणापत्र लिएर आगामी चुनावमा जान सहमत भएका थिए । भेटघाटको क्रममा एकता समायोजन समिति बनाउने निर्णय गरेको एकीकृत समाजवादी साझा घोषणापत्र लिएर आगामी प्रतिनिधिसभा र प्रदेससभा निर्वाचनमा जाने भएको हो । २०७४ मा बाम गठबन्धन गरेको एमाले र माओवादी केन्द्रले पनि एउटै घोषणापत्र लिएर चुनावमा भाग लिएका थिए ।
केही दिनअघि बसेको एकीकृत समाजवादीको सचिवालय बैठकले माओवादी केन्द्रसँग पार्टी एकता गर्न संयोजन समिति बनाउने निर्णय गरेको थियो । सचिवालय बैठकको निर्णयअनुसार चाँडै पार्टी एकता संयोजन समिति बनाउने माओवादीसँग सहमति भएको एकीकृत समाजवादीका एक नेताले जानकारी दिए ।
एकता संयोजन समिति बनाएर अगाडि बढ्ने भएपछि आगामी निर्वाचनमा दुवै दलको साझा घोषणापत्र आउनु स्वभाविक रहेको ती नेताले बताए । तर पार्टी एकता नै गर्ने भनेपछि माधव नेपालले पार्टीको नाम परिवर्तन गर्न दवाव दिएका थिए ।
‘एकता संयोजन समिति बनाएर अगाडि बढेको अवस्थामा एउटै घोषणापत्र आउने अवस्था बनेको छ’, माओवादीका एक नेताले भने । एकता संयोजन समिति नबनेको खण्डमा दुई अलग पार्टीको साझा घोषणापत्र नहुने पनि ती नेताको दावी थियो । चुनावअगाडि एकता संयोजन समिति बनाउने तयारी भइरहेको अवस्थामा नेपालले माओवादी केन्द्रको नाम फेर्न दवाव दिएपछि सोमबार माओवादी केन्द्रका अध्यक्ष प्रचण्डले नाम परिवर्तन गर्न आफू राजी भएको जानकारी दिएको स्रोतको दावी छ ।
संयोजन समितिले एकताको आधार खोज्ने र चुनावपछि मात्रै त्यो प्रक्रिया अगाडि बढ्ने स्रोतको दावी छ । विगतमा भएको एकताको अनुभवलाई समीक्षा गरेरमात्र एकता प्रक्रिया अगाडि बढ्ने ती नेताले बताए । ‘विगतमा पनि हामीले एकता ग¥यौं, त्यसका आफ्ना तिता अनुभवहरू छन्, त्यसलाई समीक्षा नगरीकन भविष्यमा त्यस्ता परिस्थिति आउन नदिन अपनाइने उपायबारे छलफल नगरेर एकैचोटी एकताको कुरा गर्न सकिँदैन’, उनले भने ।
एकताको आधार खोज्न एकता संयोजन समिति बनाउने कुरा अहिले अगाडि बढेको उनले बताए । ‘संयोजन समिति बनाएर एकताको आधार मिल्यो भने आगामी चुनावमा घोषणापत्र पनि साझा नै रहन्छ,’ उनले भने । संयोजन समितिमा माओवादीबाट प्रचण्ड र नारायणकाजी श्रेष्ठ तथा एसबाट अध्यक्ष नेपाल र झलनाथ खनाल रहने बताइएको छ ।
यो पनि पढ्नुस……………..
निर्वाचनमा एउटै चुनावी घोषणापत्र लिएर जान प्रचण्ड र नेपाल सहमत
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपगृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
संसदीय छानबिनको सूचीमा नअटाएको माओवादी निकट गतिशील सहकारीको २ अर्ब हिनामिना
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
टी-२० विश्वकप: कुन देशले कति पटक जिते ?
जेठ १९, २०८१ शनिबार
कस्तो छ आजको मौसम पुर्वानुमान ?
जेठ १९, २०८१ शनिबार
तपाईको आजको राशीफल कस्तो छ ?
जेठ १९, २०८१ शनिबार
समयमै क्यासिनो नवीकरणको आवेदन नदिए इजाजतपत्र खारेज हुने
जेठ १८, २०८१ शुक्रबार
स्वास्थ्य क्षेत्रको समस्या समाधान गर्न मन्त्री यादवद्वारा समिति गठन
जेठ १८, २०८१ शुक्रबार
वाग्मती प्रदेशको नीति तथा कार्यक्रम स्वीकृत
जेठ १८, २०८१ शुक्रबार