सीट बाँडफाँड बारे गठबन्धनको निर्णायक बैठक आज, खाना–खाजा बालुवाटारमै खाएर टुंगोमा पुर्याउने तयारी
कुसुम सेञ्चुरी
भदौ १६, २०७९ बिहिबार १४:११:४३
१६ भदौ, काठमाडौं । आगामी प्रतिनिधिसभा र प्रदेशसभाको निर्वाचनमा तालमेल गरेर अघि बढ्ने सहमति गरेका सत्ता गठबन्धन दलबीच सीट बाँडफाँटको मापदण्ड टुंगोमा पुग्न अझै सकेको छैन । पाँच दलका नेता सम्मिलित कार्यदलले पटकपटक बैठक बसेर छलफल गरे पनि सीट बाँडफाँटको मापदण्ड के हुने भन्ने मै सहमति जुटाउन नसक्दा नेताहरु अलमलमा परेका छन् ।
बुधबार पनि प्रधानमन्त्री निवास बालुवाटारमा बसेको सत्तारूढ पाँचदलीय गठबन्धनमा दलहरूले आ–आफ्नो अडान नछाडेपछि आम निर्वाचनका लागि सीट संख्या बाँडफाँड टुंगो लाग्न सकेको छैन । गठबन्धनका शीर्ष नेता र कांग्रेस नेता कृष्ण सिटौला नेतृत्वको सीट बाँडफाँडसम्बन्धी कार्यदलको संयुक्त बैठकमा दलहरूले यसअघिकै दाबी नछाडेपछि सीट भागबन्डा नमिलेको हो ।
स्रोतका अनुसार हिजोको छलफल सकारात्मक रूपमा अगाडि बढेको र बिहीबार आजको बैठक निर्णायक हुने बताइएको छ । छलफलमा सबैले लचक भएर आ–आफ्नो दाबीलाई छाडेर सहमतिमा पुग्ने समझदारी बनेको बताइएको छ । नेपालबहस डटकमसँग कुरा गर्दै गठबन्धनका एक नेताले भने ‘आज बिहान ११ बजेबाट बालुवाटारमै बैठक बस्दैछ । आजको बैठकमा खाना–खाजा त्यहीँ खाएर पनि हामी टुंगोमा पुर्याउने तयारीमा छौँ । उक्त बैठकबाट संघ र प्रदेशको सीट संख्या र मोटामोटी क्षेत्रको विषयसमेत एकसाथ टुंगो लगाउने तयारी छ । शीर्ष तहबाट टुंगो लागेपछि कार्यदलले बाँकी काम गर्नेछ ।’
हिजोको छलफलका क्रममा कार्यदल र शीर्ष नेताहरूको छुट्टाछुट्टै बैठकसमेत बसेको थियो । कांग्रेसबाट कार्यदल सदस्य तथा सरकारका प्रवक्ता ज्ञानेन्द्र कार्कीले सीट बाँडफाँडको विषय सहमति नजिक पुगेको, तर निष्कर्षमा नपुगेको जानकारी दिएका थिए । सोमबार गठबन्धनमा बुधबारभित्र संख्या र २० भदौभित्र प्रदेश र प्रतिनिधिसभा निर्वाचन क्षेत्र बाँडफाँडको टुंगो लगाउने समझदारी बनेको थियो ।
त्यसअघि ९ भदौमा शीर्ष नेता र कार्यदल सदस्यको संयुक्त बैठकमा दलहरूले पहिलोपटक आ–आफ्ना दाबी पेस गरेका थिए । कांग्रेसले सय, माओवादीले ६०, एकीकृत समाजवादीले ४०, जसपाले ३१ सिट र राष्ट्रिय जनमोर्चाले दुई सिटमा दाबी गरेका थिए । दलहरूले ०७४ र ०७९ को निर्वाचनलाई आधार बनाएर आफ्नोअनुकूल हुने गरी सीट दाबी गरेका थिए । तर, उनीहरूले निर्वाचन क्षेत्र भने खुलाएका छैनन ।
राष्ट्रिय जनमोर्चाबाट कार्यदल सदस्य रहेका नेता हिमलाल पुरीले बुधबारको बैठकमा दलहरूले यसअघि प्रस्तुत गरेको दाबीका विषयमा छलफल गरेका थिए । कार्यदल गठनको करिब एक महिनासम्म पनि सिट टुंगो लाग्न नसकेपछि गठबन्धनमा शीर्ष नेतृत्वमाथि दबाब परेको छ ।
११ सदस्यीय कार्यदलमा सहमति जुट्न नसकेपछि शीर्ष नेताले राजनीतिक निर्णयबाट टुंग्याउने तयारी गरिरहेका छन । कार्यदलमा कांग्रेसबाट संयोजक सिटौलासहित महामन्त्री गगन थापा र सञ्चारमन्त्री ज्ञानेन्द्रबहादुर कार्की, माओवादी केन्द्रबाट वर्षमान पुन र देव गुरुङ, एकीकृत समाजवादीबाट उपाध्यक्ष प्रमेश हमाल र महासचिव बेदुराम भुसाल छन् । त्यस्तै, जसपाबाट रामसहायप्रसाद यादव, रकम चेम्जोङ र राष्ट्रिय जनमोर्चाबाट हिमलाल पुरी र आनन्द शर्मा कार्यदलमा सदस्य छन् ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपगृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
संसदीय छानबिनको सूचीमा नअटाएको माओवादी निकट गतिशील सहकारीको २ अर्ब हिनामिना
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
शल्यक्रिया गर्न पालो कुर्नुपर्ने समस्या अन्त्य गरिने
जेठ १९, २०८१ शनिबार
क्यामरा आकृतिको भवन
जेठ १९, २०८१ शनिबार
नेपालगञ्जका विद्यालयमा गर्मी बिदा बढाइयो
जेठ १९, २०८१ शनिबार
दरबार हत्याकाण्डको २३ वर्ष पूरा
जेठ १९, २०८१ शनिबार
युक्रेनले रुसविरुद्ध आफ्नो सीमाभित्र अमेरिकी हतियार प्रयोग गर्नसक्ने
जेठ १९, २०८१ शनिबार
मलाइका र अर्जुनको ब्रेकअप !
जेठ १९, २०८१ शनिबार