झापा ५ ‘ख’ बाट मन्धरा चिमरिया पौडेल प्रदेश सभासद सदस्य उम्मेदवारका लागि सिफारिस

१७ भदौ, झापा ।  नेपाली कांग्रेसले झापा क्षेत्र न. ५ को (ख) बाट समानुपातिक तर्फ मन्धरा चिमरिया पौडेलको नाम सिफरिस गरेको छ । प्रतिनिधिसभाअन्तर्गत नेकपा एमालेका अध्यक्ष केपी ओली निर्वाचित क्षेत्र हो यो । कांग्रेसले यो क्षेत्रको (ख) मा समानुपातिक तर्फ मन्धरालाई उम्मेदवारका लागि सिफरिस गरेको हो ।

उनले यसअघिका कुनै पनि निर्वाचनमा आफुले दावी गरेकी थिइनन् । लामो समयदेखि नेपाली कांग्रेसका विभिन्न संगठनहरुमा रही काम गर्दै आएकी मन्धरालाई यो पटक कांग्रेस झापा क्षेत्र नं ५ ले अवसर दिएको हो । आगामी मंसिर ४ गते हुने निर्वाचनमा नेपाली कांग्रेसको तर्फबाट झापा जिल्ला क्षेत्र नं ५ ‘ख’ बाट समानुपातिक तर्फको उम्मेद्धारमा सिफारिस भएकी नेतृ मन्धरालाई झापामा कुशल नेतृको रुपमा पनि लिइन्छ ।

उनी बिभिन्न सामाजिक संघसंस्थामा आबद्ध भई समाज सेवाको क्षेत्रमासमेत योगदान पुर्याउदै आएकाी नेतृ हुन् । सामाजिक अभियन्ताका रुपमा चिरपरिचित मन्धरा २०४६ सालदेखि नेपाली कांग्रेसको भातृ संगठन नेपाल महिला संघमा आबद्ध रही निरन्तर पार्टी र जनताको सेवामा समर्पित रहै आएकी छन् ।

नेपाल महिला संघको लामो नेतृत्व सम्हाली सकेकी उनले नेपाल महिला संघको झापा जिल्ला समितिमा रहेर समेत काम गरि सकेकी छन् । नेपाल महिला संघ दमक नगर समितिको सभापतिका रुपमा जिम्मेबारी सम्हालीरहेकी मन्धरा महिला हक अधिकार र बालबालिकाहरुको अधिकार सुनिश्चित गराउन राष्ट्रिय महिला अधिकार मञ्चको केन्द्रीय सदस्य हुँदै हाल केन्द्रीय उपाध्यक्षसमेत रहेकी छन् ।

अनाथ बालबालिकाहरुको भरण पोषण र शिक्षादीक्षाका लागि उनकै पहलमा खोलिएको अनाथ बाल आश्रम दमकको उपाध्यक्ष रहि सेवामूखी काममा सक्रिय मन्धरा दमक यातायात ब्यवस्थापन तथा शहरी सुदृढिकरण समितिको सदस्यसमेत रहेकी छन् ।

उनी नेपाली कांग्रेसको चौधौ महाधिबेशनमा झापा क्षेत्र नं ५ बाट अत्यधिक मतका साथ केन्द्रीय महाधिबेशन प्रतिनिधिमा निर्वाचित भएकी थिइन् । उनी पार्टीले गरेका आन्दोलन र पार्टीका कार्यक्रममा पनि सक्रिय रहदै आकी छन् । मन्धरा चिमरियालाई यस पटक भने नेपाली कांग्रेसले उनको लगानी र क्रियायाशीलताको गुन तिरेको स्थानीयहरु बताउँछन् ।