कांग्रेसको बन्दसूचीमा देउवानिकट नेतामात्रै होइन प्रेस सल्लाहकारदेखि मिटरब्याजीसम्म (हेर्नुस प्रदेशसूची)
नेपालबहस संवाददाता
असोज ९, २०७९ आइतबार १८:५६:४
९ असोज, काठमाडौं । नेपाली कांग्रेसमा लामो समय त्याग तपस्या र बलिदान गरेका नेताहरुलाई पाखा लगाउँदै सभापति शेरबहादुर देउवाले एकलौटी रूपमा समानुपातिककाे बन्दसूची सिफारिस गरेको संस्थापन इतर समूहले आरोप लगाएको छ ।
कांग्रेसका वरिष्ठ नेता डा. शेखर कोइरालाले समानुपातिककाे बन्दसूचीमा आफ्ना समूहका नेता तथा कार्यकर्तामाथि अन्याय गरिएको र प्रत्यक्षतर्फ उम्मेदवारी चयनमा समेत एकलौटी हुनसक्ने भन्दै शेखरपक्षीय नेताहरूले आन्दोलन र निर्वाचन बहिष्कारसम्मका योजना अघि सारेर नेतृत्वमाथि दबाब बढाएपछि गठबन्धनमा सामेल अन्य दलका नेतासमेत झस्किएका छन् ।
शेखर समूहले प्रत्यक्षतर्फको मात्रै नभई असोज ३ मा बुझाइएको समानुपातिकतर्फको बन्दसूची पनि सच्याउनुपर्ने माग गरेका छन । निर्वाचन आयोगले दिएको असोज १६ सम्मको समयसीमामा संस्थापनइतर समूहबाट ४० प्रतिशतको हाराहारीमा उम्मेदवार राखिनुपर्ने माग छ ।
निर्वाचन आयोगमा बुझाइएको प्रतिनिधिसभा समानुपातिकतर्फको बन्दसूचीमा देउवापत्नी आरजु राणा देउवादेखि गृहमन्त्री बालकृष्ण खाँणकी पत्नी मञ्जु खाँणसम्म रहेका छन् । बन्दसूचीमा सभापति देउवानिकट नेतामात्रै होइन व्यापारिक पृष्ठभूमिका व्यक्तिहरूलाई पनि राखिएको छ । त्यस्तै मिटरब्याजीदेखि तस्कर र व्यापारीसम्म पनि कांग्रेसको समानुपातिकको बन्दसूचीमा अटाएका छन् । बन्दसूचीको नामावलीको पहिलो नम्बरमा नाम रहेका पूर्वउपसभापतिद्वय विमलेन्द्र निधि र गोपालमान श्रेष्ठको नाम पनि बन्दसूचीमा रहेको छ भने वर्तमान सहमहामन्त्रीद्वय फरमुल्लाह मन्सुर र जीवन परियार पनि समानुपातिकबाटै चुनाव लड्ने छन् ।
त्यसैगरी शेखर समूह निकट पूर्वराष्ट्रपति डा. रामवरण यादवका छोरा डा. चन्द्रमोहन यादवको नाम पनि बन्दसूचीमा रहेको छ । त्यसैगरी कांग्रेस प्रवक्ता प्रकाशशरण महत र पूर्वमन्त्री रोमी गौचन थकाली पनि समानुपातिक सूचीमा रहेका छन् । त्यस्तै प्रधानमन्त्री देउवाका प्रेस सल्लाहकार गोविन्द परियारलाई पनि समानुपातिक सूचीमा राखिएको छ ।
त्यस्तै नेता अर्जुननरसिंह केसीका भाइसमेत रहेका डा. केदारनरसिंह केसी, देउवानिकट केन्द्रीय सदस्य अब्दुल सतारको नाम पनि बन्दसूचीमा रहेको छ । त्यस्तै लेखा समितिका पूर्वसभापतिसमेत रहेका भरत शाहकी पत्नी अनिता ढुंगाना शाहको नाम पनि बन्दसूचीमा राखिएको छ ।
शेखर समूहले प्रत्यक्षतर्फको मात्रै नभई असोज ३ मा बुझाइएको समानुपातिकतर्फको बन्दसूची पनि सच्याउनुपर्ने माग गरेका छन । निर्वाचन आयोगले दिएको असोज १६ सम्मको समयसीमामा संस्थापनइतर समूहबाट ४० प्रतिशतको हाराहारीमा उम्मेदवार राखिनुपर्ने माग छ । आफूहरूले न्यायोचित सीट नपाए शेखर समूहले अनशन, धर्ना र निर्वाचन बहिष्कारसम्मका वैकल्पिक संघर्षको चेतावनीसमेत दिएको छ ।
सभापति देउवाको यो पाराले प्रदेश र संघमा पनि पार्टीभित्र त्याग र संघर्ष गरेका, योग्य, क्षमतावान् र लोकप्रियलाई उम्मेदवार नबनाई एकलौटी गर्ने सम्भावना देखिएको छ । इतरपक्षलाई न्यून उम्मेदवार दिएर आफ्नो विरोधी समूहलाई समाप्त गर्ने नियत देउवमा देखिएपछि शेखरपक्षीय नेताहरुले बालुवाटार घेराउदेखि विरोधका कार्यक्रममा जाने चेतावनी दिएका छन् ।
हेर्नुहोस् प्रतिनिधिसभातर्फको बन्दसूची
प्रदेश १ को समानुपातिक सूची
मधेस प्रदेशको समानुपातिक सूची
वाग्मती प्रदेशको समानुपातिक सूची
गण्डकी प्रदेशको समानुपातिक सूची
लुम्बिनी प्रदेशको समानुपातिक सूची
कर्णाली प्रदेशको समानुपातिक सूची
सुदूरपश्चिम प्रदेशको समानुपातिक सूची
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइलाममा एकीकृत समाजवादी र राप्रपाको लज्जास्पद हार, झलनाथ थिए चुनावी कमाण्डर !
बैशाख १८, २०८१ मंगलबार
इलाम–२ मा रास्वपाको जमानत जफत
बैशाख १८, २०८१ मंगलबार
इलाम- २ मा एमालेका सुहाङ नेम्वाङ विजयी
बैशाख १८, २०८१ मंगलबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
ताइवानको संसदमा सांसदहरुबीच हानाहान !
जेठ ५, २०८१ शनिबार
अवैध लागूऔषधसहित चार जना पक्राउ
जेठ ६, २०८१ आइतबार
निर्माण व्यवसायीको ढिलासुस्तीका कारण सेतीमा पक्की पुलको काम अलपत्र
जेठ ६, २०८१ आइतबार
रुडु बन्चु प्रचारप्रसार र संरक्षण अभावले ओझेलमा
जेठ ६, २०८१ आइतबार
कार्यदलको बैठक छाडेर संसदीय दलको कार्यालयमा आए कार्की र परियार
जेठ ६, २०८१ आइतबार
झापाको बिरिङ र निन्दामा बाढी मापन तथा पूर्व सूचना प्रणाली जडान
जेठ ६, २०८१ आइतबार
राष्ट्रियसभाको बैठक पनि दुई घण्टाका लागि सर्यो
जेठ ६, २०८१ आइतबार