१२ गते पार्टी कार्यालयमा धर्ना दिने शेखर समूहको निर्णय

१० असोज, काठमाडौं ।  नेपाली कांग्रेसको डा. शेखर कोइराला समूहले पार्टी कार्यालयमा धर्ना दिने निर्णय गरेको छ । १४ गतेसम्म पनि समानुपातिक सूची नसच्याए थप विरोधका कार्यक्रम तय गर्ने बैठकको निर्णय समेत रहेको छ । आज बसेको शेखर समूहको बैठकले १२ गते मध्याह्न १२ बजेदेखि १ बजेसम्म पार्टी केन्द्रीय कार्यालय, सानेपामा एक घण्टा धर्ना दिने जानाएको छ ।