महराको सक्रिय राजनीतिमा ब्रेक : समानुपातिकको ‘बन्द’सूचीमा कैद
कुसुम सेञ्चुरी
असोज ११, २०७९ मंगलबार १७:३०:४४
११ असोज, काठमाडौं । महिला हिंसाको आरोप लागेदेखि माओवादीका उपाध्यक्ष कृष्णबहादुर महरा सार्वजनिक रुपमा त्यतिधेरै अभिव्यक्ति दिन रुचाउँदैनन् । माओवादीभित्रका प्रभावशाली नेताको रुपमा परिचित महरा प्रचण्डका थिंक ट्यांक मानिन्छन् । उनी पटकपटक सांसद भैसकेका कारण पार्टीभित्र उच्च सम्मान पनि रहेको छ । सभामुख भैसकेका महरामाथि पदमै रहेका बेला महिला हिंसाको आरोप खेप्नु पर्यो । जसले गर्दा तीन महिनासम्म पूर्पक्षका लागि थुनामा पनि बस्नुपर्ने बाध्याता आयो ।
गत २०७४ सालको निर्वाचनमा एमालेका शंकर पोखरेल पोखरेललाई प्रदेशसभामा पठाएर एमाले र माओवादी गठबन्धन भएको बेला दाङ २ बाट प्रतिनिधिसभामा विजयी भएका महरा यसपटक भने रेसबाट बाहिर रहे । दाङ २ का लागि माओवादीले उम्मेदवार सिफारिस गर्दा चुनाव लड्ने मनस्थितिमा रहेका उपाध्यक्ष कृष्णबहादुर महरा एकाएक रेस बाहिर आए ।
उनले आफूलाई समानुपातिक सूचीमा ‘बन्द’ राखेर प्रत्यक्षको रेसबाट बाहिर रहे । कसै कसैले यसलाई शंकर पोखरेललाई वाकओभर दिएको पनि भनिदिए । बन्दसूचीमा नाम गएपछि महराले आफू धेरै ठाउँबाट सिफारिस भएका कारण ‘तानातान’ मा पर्न नचाहेर समानुपातिक सुचीमा पर्न चाहेको बताए । तर महरा निर्वाचन लड्न नखोज्नुको एक मात्रै कारण भने ‘निर्वाचन हार्न सक्ने’ त्रासदी नै रहेको हो । किनकी उनीमाथि महिला हिंसाको आरोप फेरी पनि बल्झन सक्ने भएकाले ‘सेफ जोन’को रुपमा समानुपातिकको बन्दसूचीलाई रोजे ।
बन्दसूची पठाउनु अघि महराले आफू निर्वाचन लड्न चाहेको र दाङ–२ बाटै निर्वाचन लड्ने घोषणा गरेका थिए । यो घोषणा गर्दा महरामा निर्वाचन लड्ने ठूलो साहस देखिएको थियो । यतिसम्मकी उनले आफूले प्राप्त गर्नसक्ने मत र जीत्न सक्ने आधारहरु समेत केलाएका थिए । माओवादी अध्यक्ष पुष्पकमल दाहालले महरालाई सेफ जोनमा राखेका हुन् । दाङ क्षेत्र नम्बर २ मा आफ्नो सहज जीत खोजिरहेका एमाले महासचिव शंकर पोखरेलले ‘महरा–तगारो’ पञ्छाउन खोजिरहेका थिए।
गठबन्धनका तर्फबाट साझा उम्मेदवार महरा बन्दा आफूलाई घाटा लाग्न सक्ने ठूलो जोखिम देखि पोखरेलसँग निकै सजग थिए । पोखरेलले महरालाई रोक्नका निम्ति माओवादी भित्र लबिङ थालिरहेको स्रोतको दावी छ । पोखरेलले लुम्बिनी प्रदेशका मुख्यमन्त्री कुलप्रसाद केसीमार्फत महरालाई निर्वाचनमा नभिड्न सन्देश दिईरहेका थिए । महरा स्वयं निर्वाचन देखि झस्किएका थिए । उनले सुरुमा आफू समानुपातिक उम्मेदवार नै बन्ने भन्दै पार्टी अध्यक्ष दाहालसँग भनेका थिए । तर दाहालले ‘तपाई जत्तिको मान्छे नलडेर को लड्छ त पार्टीबाट चुनाव ?’ भनेका थिए । अनि महरा चुनाव लड्ने मनस्थितिमा पुगेका थिए ।
सुरु देखिनै आफू समानुपातिक सुचीमा पर्ने योजनाले महराका लागि चुनाव जित्न सक्ने आधारहरु ‘कमजोर’ देखिईरहेका थिए या त यसलाई उनको ‘डर’ को संकेतका रुपमा बुझ्न गाह्रो पर्दैन । ०७४ को निर्वाचनमा एमालेसँगको तालमेलको बलमा प्रतिनिधिसभा सदस्य चुनिएका महराको प्रतिनिधिसभा यात्रा सुखद बनेन । प्रतिनिधिसभा सभामुखको ‘ओहदा’ मा पुगेका महरा यौन दुराचार जस्तो गम्भिर मुद्धामा मुछिए । संसद सचिवालयकी एक कर्मचारीले महरा बिरुद्ध बलात्कार मुद्धा दर्ता गरेपछि महराको सभामुख पद मात्रै खोसिएन उनको राजनीतिक यात्रा एकाएक ओरालो लागेको थियो । भलै महराले यो मुद्धामा सफाई पाए। तथापि यो मुद्धाले महराको सकृय राजनीतिमा ब्रेक लगाउने अवस्था बन्यो ।
‘उहाँलाई यौन दुराचार र महिला हिंसाको आरोप नै भारी भयो’, माओवादीका एक नेताले भने । उनको राजनीतिक यात्रालाई ठूलो धक्का लगाएको यो मुद्धादेखि शिथिल बनेका महरा आगामी निर्वाचनमा भिड्ने वा नभिड्ने भन्नेमा अनिश्चित देखिएका थिए । त्यही बेला प्रचण्डले पनि समानुपातिकमा बस्नुस भनेपछि उनले सहज बाटो रोजेको ती नेताको भनाई छ । आफ्नो क्षेत्र दाङ २ मा रहेको ठूलो स्थानीय तह घोराही उपमहानगरको जनमत बुझ्न खोजेका उनले त्यहाँको मेयर पदको उम्मेदवार आफू निकटस्थ नेता माओवादीका हेमराज शर्मालाई बनाए । उनले प्राप्त गर्ने जनमतका आधारमा आफ्नो उम्मेदवारी रहने वा नरहने भन्ने बिषयको निक्र्यौल गर्नेमा महरा थिए । यो स्थानीय तहमा आफू निकटस्थ शर्मा पराजित बने, त्यो पनि वर्तमान गठबन्धन कायमै रहेको अवस्थामा पनि उनी पराजित बनेपछि महरा झस्किएका थिए ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपगृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
संसदीय छानबिनको सूचीमा नअटाएको माओवादी निकट गतिशील सहकारीको २ अर्ब हिनामिना
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
समयमै क्यासिनो नवीकरणको आवेदन नदिए इजाजतपत्र खारेज हुने
जेठ १८, २०८१ शुक्रबार
स्वास्थ्य क्षेत्रको समस्या समाधान गर्न मन्त्री यादवद्वारा समिति गठन
जेठ १८, २०८१ शुक्रबार
वाग्मती प्रदेशको नीति तथा कार्यक्रम स्वीकृत
जेठ १८, २०८१ शुक्रबार
अत्यधिक गर्मीले बर्दियाका विद्यालय थप ६ दिन बन्द
जेठ १८, २०८१ शुक्रबार
दुबईबाट फर्केर तरकारीखेती
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार