सरकारको विशेषज्ञ समूह नीति अनुसन्धान प्रतिष्ठानले ४ औँ वार्षिकोत्सव मनायो
नेपालबहस संवाददाता
असोज ११, २०७९ मंगलबार २०:८:३५
११ असाेज, काठमाडाैं । नेपाल सरकारको विशेषज्ञ समूह नीति अनुसन्धान प्रतिष्ठानले आफ्नो चौथो वार्षिकोत्सव कार्यक्रम मनाएकाे छ । कार्यक्रममा प्रधानमन्त्री तथा मन्त्रीपरिषदको कार्यालयका राज्यमन्त्री माननीय उमेश श्रेष्ठसहित नेपाल सरकारका मन्त्रालय, आयोग र विभिन्न निकायहरू साथैप्राज्ञिक संस्था र गैरसरकारी निकायहरूको प्रतिनिधित्व रहेको उक्त कार्यक्रममा प्रमुख अतिथिपूर्व प्रधानमन्त्री डा. बाबुराम भट्टराई र विशिष्ट अतिथि राष्ट्रिय योजना आयोगका पूर्व उपाध्यक्ष डा. स्वर्णिम वाग्लेले नीति प्रवचन दिएका थिए भने डा. भट्टराई र डा. वाग्लेले “नेपालजस्ता अल्पविकसित मुलुकहरूको विकासमा थिंक ट्याङ्कहरूको भूमिका” शीर्षकमा बाेलेका थिए ।
डा.वाग्लेले अनुसन्धानको प्रवृत्ति र अनुसन्धान संस्थाको भूमिकाको सेरोफेरोमा रहेर प्रवचन दिएका थिए । उनले स्थानीय तथ्याङ्कलाई विश्वव्यापीकरण गर्ने र विश्वको तथ्याङ्कलाई स्थानीयकरणगर्ने कार्यमा नी.अ.प्र.ले भूमिका खेल्नुपर्ने उल्लेख गरे । अनुसन्धान संस्थाको काम भनेको मिथ्यारभ्रम निर्मूल पार्नु पनि रहेको बताए ।
सार्वजनिक सूचनाहरू ढिलो गरी जनतामा पुग्दा जनताले बुझ्ने बेलासम्म ढिलो भइ सक्ने हुनाले प्रतिष्ठानले चुस्तदुरुस्त रूपमा सूचनाहरू सम्प्रेषण गर्नु पर्ने पनि बताए । थिंक ट्यांकको भूमिका विधायिकी कार्यमा लाग्ने खर्च, नीतिनिर्माण कार्यमा लाग्ने खर्च, र कामै नलाग्ने खर्चको बारेमा अध्ययन अनुसन्धान गर्ने कार्यमा हुनुपर्दछ । डा. भट्टराईले ज्ञान उत्पादन गर्ने अनुसन्धान संस्थाका अध्ययन प्रतिवेदनहरु पक्षको पक्षपोष्ण गर्ने ढंगबाट आउनु नहुने कुरालाई जोड दिंदै भूराजनीतिक प्रभावकाे बारेमा अध्ययन अनुसन्धान गर्नुपर्ने करामा प्रकाश पारेका थिए ।
अमेरिकामा रहेको कंग्रेशनल बजेट अफिस ‘सिबिओ’भन्ने सरकारी थिंक ट्याङ्कले भनेको कुरा त्यहाँको संसद्ले सबै मान्नेलाई उनले सफल कार्य लागतको नमुना माने तर श्रीलङ्कामा सक्रिय थिंक ट्याङ्क छैन, भएको थिंक ट्याङ्कले भनेको सरकारले ग्रहण पनि गर्दैन। डा. वाग्लेले श्रीलङ्का अहिले जुन हालतमा छ, त्यो निष्क्रियताको लागत हो भने । डा. भट्टराईले रूपान्तरणका लागि दूरदृष्टि नेतृत्व, सामूहिक अठोट रसही व्यवस्थापन हुनु पर्ने बताए । उनले थिंकट्याङ्कहरूलाई गठन आदेशको माध्यमबाट होइन, छाता ऐन मार्फत नै संस्थागतविकास गर्नुपर्दछ ।
कार्यक्रममा नीति अनुसन्धान प्रतिष्ठानका कार्यकारी अध्यक्ष डा. विष्णु राज उप्रेतीलेप्रतिष्ठानका गतिविधिहरूबारे प्रस्तुति गर्नुका साथै प्रधानमन्त्री र मन्त्री परिषद्को कार्यालयका राज्यमन्त्री माननीय उमेश श्रेष्ठलाई प्रतिष्ठानको वार्षिक प्रतिवेदन हस्तान्तरण गरे । उक्त कार्यक्रममा प्रतिष्ठानले वार्षिक प्रतिवेदन, जर्नल, नीति सिफारिसका साथै केही अनुसन्धान प्रतिवेदनहरू समेत विमोचन गरेकाे छ ।
प्रतिष्ठानले अघिल्लो वर्ष (२०७८ साल)बाट आफ्नो स्थापना दिवसको उपलक्ष्यमा सार्वजनिक नीतिको क्षेत्रामा उल्लेख्य योगदान पुर्याउने संस्था तथा व्यक्तिलाई नीति सम्मान प्रदान गर्न सुरुआत गरेको थियो । अघिल्लो वर्षको नीति सम्मान पुरस्कार काठमाडौं विश्वविद्यालयले प्राप्त गरेको थियो प्रितिष्ठानले यो वर्षको नीति सम्मान स्वरुप रु. एक लाख राशी सहितको प्रमाणपत्र नेपाल प्रशासनिक प्रशिक्षण प्रतिष्ठानलाई प्रदान गरियो भने सर्वाङ्गीण विकास अध्ययन केन्द्र र त्रिभुवन विश्वविद्यालयको अन्तर्राष्ट्रिय सम्बन्ध तथा कूटनीति विभागलाई नीति प्रशंसापत्र प्रदान गरिएको थियो ।
नीति सम्मान ग्रहण गर्दै नेपाल प्रशासनिक प्रशिक्षण प्रतिष्ठानका कार्यकारी प्रमुख डा.राजन खनालले यस सम्मानले नीति क्षेत्रमा काम गर्न अझै हौसला बढेको बताए । यसको साथै, प्रतिष्ठानले आफ्नो कर्मचारी भित्रबाट वर्ष कर्मचारी छनौट गरी पुरस्कार र प्रशंसा पत्र समेत प्रदान गरेको छ ।
कार्यक्रम गैर्हिधारा स्थित एलिसरिसेप्सनमा आयोजना गरिएको छ । कार्यक्रम प्रतिष्ठानको जुम, फेसबुक, ट्विटर, लीन्क्डइन जस्ता सामाजिक सञ्जालबाट प्रत्यक्ष प्रसारण भयो । प्रतिष्ठानले कार्यक्रमको भर्च्युअल व्यापकताका लागि ह्यासट्याग प्रयोग गरेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपचार मन्त्रालयमा छड्के : १६ कर्मचारी अनुपस्थित, ७८ ढिला उपस्थित
जेठ ६, २०८१ आइतबार
मन्त्रिपरिषद बैठकले गर्यो ६० जना सहसचिवको सरुवा
जेठ १, २०८१ मंगलबार
गृह मन्त्रालयले भन्यो, ‘अब जोकोहीलाई विरामीको बहानामा हिरासतबाट अस्पताल नपठाउनु’
बैशाख २४, २०८१ सोमबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
हावाहुरीले उदयपुरमा करोडौँको क्षति
जेठ ६, २०८१ आइतबार
तपाईको आजको राशीफल कस्तो छ ?
जेठ ७, २०८१ सोमबार
गङ्गा गोदावरी सिद्वेश्वर महादेव मन्दिर
जेठ ७, २०८१ सोमबार
दुई हजारभन्दा बढी किसानलाई उन्नत बीउमा अनुदान
जेठ ७, २०८१ सोमबार
हेलिकप्टर दुर्घटनामा इरानका राष्ट्रपति इब्राहिमको निधन
जेठ ७, २०८१ सोमबार
भक्तराजको जीवनीमा आधारित चलचित्र ‘आचार्य’ पुनः प्रदर्शन हुने
जेठ ७, २०८१ सोमबार
बस्न सकेन कार्यव्यवस्था पराशर्म समितिको बैठक
जेठ ७, २०८१ सोमबार
सर्वोच्च छल्न हतारिए प्रधानमन्त्री, के होला विश्वासको मत ?
जेठ ७, २०८१ सोमबार