निर्वाचन आयोगद्वारा देशभरका मतदानस्थल सार्वजनिक, मतदान केन्द्र मात्रै २२ हजारमाथि

११ असोज, काठमाडौं । निर्वाचन आयोगले देशभरमा कायम रहने मतदानस्थल र मतदान केन्द्र सार्वजनिक गरेको छ । आगामी मंसिर ४ मा हुने प्रदेश र प्रतिनिधिसभाको निर्वाचनका लागि आयोगले मतदान केन्द्र तोकेको हो ।

आयोगका अनुसार प्रतिनिधिसभा र प्रदेशसभा सदस्य निर्वाचनमा देशभर १० हजार ८९१ मतदानस्थल रहने भएका छन् भने मतदान केन्द्र २२ हजार २२६ रहने भएका छन् । आयोगले यसअघि नै निर्वाचनका लागि उम्मेदवारहरुले खर्च गर्न पाउने रकम तोकेको छ । उम्मेदवारले कति खर्च गर्न पाउने भन्नेबारे दलहरुबीच छलफल चलिरहेका बेला आयोगले खर्चको सीमा तोकिदिएको हो ।

आयोगले आज मंगबार पनि छलफलका लागि प्रतिनिधिसभामा प्रतनिधित्व गर्ने १२ दलका प्रतिनिधिलाई बोलाएको छ । आयोगले प्रदेशतर्फ ८ लाख र प्रतिनिधिसभातर्फ ८ लाखका दरले खर्च सीमा बढाउने प्रस्ताव गरेको छ । निर्वाचन क्षेत्रहरूलाई वर्गमा विभाजन गरेर छुट्टाछुट्टै खर्च तोकिएको छ । खर्चको सीमा बढाइए पनि यसलाई वैज्ञानिक बनाउन लागिएको आयोगले जनाएको छ ।

यस्तो छ मतदानस्थलको विवरणः