कांग्रेसले ८५ सीट लिनेगरी बाँडफाँड, आन्तरिक विवाद टुङग्याउन गठबन्धनको दवाव
कुसुम सेञ्चुरी
असोज १२, २०७९ बुधबार १५:२:५०
१२ असोज, काठमाडौं । कांग्रेसमा आन्तरिक विवाद बढिरहेका बेला सत्ता गठबन्धन दलले अन्ततः सीट बाँडफाँटमा करिब करिब सहमति जुटाएका छन् । हिजो राती अबेरसम्म बसेको सत्ता गठबन्धन दलको बैठकले सीट बाँडफाँटमा अन्तिम सहमति जुटाएको भएपनि आज दिउँसो मात्र सार्वजनिक गर्ने तयारी गरेका छन् ।
कार्यदलका एक सदस्यका अनुसार, आज बिहान निर्वाचन क्षेत्र यताउता गर्ने विषयमा शीर्ष नेताहरुले एकचरण छलफल गरेपछि सीट भागबन्डाको औपचारिक घोषणा गर्नेछन् । ‘अहिले शीर्ष नेताहरुबीच सीट बाँडफाँटबारे टुंग्गो लाग्नेछ त्यसपछि सार्वजनिक हुनेछ’, स्रोतले भन्यो । केही जिल्लाका निर्वाचन क्षेत्र यताउता गर्ने या नगर्ने भन्ने विषयमा मात्र सामान्य छलफल पछि औपचारिक रुपमा घोषणा गर्ने कार्यक्रम रहेको स्रोतले बतायो ।
गठबन्धनका शीर्ष नेता तथा कार्यदलका सदस्यहरुबीच आज पनि छलफल जारी रहनेछ । प्रदेशसभामा सीट बाँडफाँट कार्यदलले ०७४ सालमा जितेको स्थानमा सोही दलले लिने र ०७४ को समानुपातिक सीटलाई आधार बनाउने सहमति गरेको हो । प्रतिनिधिसभा तर्फको भने करिब सबै निर्वाचन क्षेत्र कुन दलले कहाँ लिने भन्ने गरी समझदारी बनेको छ । केही जिल्लाका निर्वाचन क्षेत्रमा भने अहिले लगाइएको समझदारी अनुसार क्षेत्र साटफेर गर्ने की भन्नेमा मात्र केन्द्रीत रहेर आज छलफल हुनेछ ।
चुनावमा गठबन्धन दलहरुले तालमेल गरेरै लड्ने निर्णय गरेका थिए । त्यसपछि उनीहरुले कांग्रेसका तीन र अन्य दलका दुई दुई जना रहने गरी सीट बाँडफाँटका लागि कार्यदल बनाएका थिए । त्यसयताको ५४ दिन गठबन्धनका दलहरुले सीट बाँडफाँटमा अलमलिएका थिए । सहमतिको धेरै नजिक पुगेर मंगलबार साँझ अबेर नेताहरु बैठकबाट उठेको ती नेताले बताए । दलहरुका बीचमा सबैभन्दा सीट बाँडफाँटमा सकस परेको मधेस प्रदेश थियो । त्यहाँका प्रतिनिधिसभाका ३२ निर्वाचन क्षेत्रमा दलहरुका बीचमा सीट संख्या भागबन्डामा मंगलबार टुंगो लागेपछि दलहरु सहमति नजिक पुगेका हुन् ।
मधेसका ३२ निर्वाचन क्षेत्रमा अब जनता समाजवादी पार्टी (जसपा)ले सबैभन्दा धेरै १३ सीट पाउनेछ । त्यसपछि कांग्रेसले १२, माओवादी केन्द्रले ५ र एकीकृत समाजवादीले २ वटा निर्वाचन क्षेत्र पाउने गरी समझदारी बनेको छ । राष्ट्रिय जनमोर्चाले भने मधेस प्रदेशमा कुनै पनि सीट पाउने छैन । एकीकृत समाजवादीले रौतहट १ मा पार्टी अध्यक्ष माधव नेपाललाई चुनाव लडामउने छ । अर्को एउटा क्षेत्र पनि मधेसको एकीकृत समाजवादीले पाउने छ ।
माओवादीले भने सिराहमा १, रौतहट १, धनुषामा १, महोत्तरीमा १ र सर्लाहीमा १ सीट पाउनेछ । अन्य मधेसका बारा, पर्सा र सप्तरीमा माओवादीले प्रतिनिधिसभातर्फ सीट पाउने छैन । धनुषामा मातृका यादव, महोत्तरीमा गिरिराजमणि पोखरेल, सर्लाहीमा नरेन्द्र साह, रौतहटमा युवराज भट्टराई र सिराहमा विश्वनाथ साहलाई टिकट दिने गरी माओवादीले मधेस प्रदेशका ५ वटा निर्वाचन क्षेत्र पाउने भएको छ । मधेसमा कांग्रेस र जनता समाजवादी तथा पहाडका क्षेत्रहरुमा कांग्रेस र माओवादीका बीचमा सीट बाँडफाँट अलिक धेरै संख्याको पाउने गरी समझदारी बनेको पनि नेताहरुको भनाई छ ।
यद्यपि, कुन दललाई कति सीट संख्या भन्ने बारेमा पनि नेताहरुले केही बताएका छैनन । तर कांग्रेस ८५, माओवादी केन्द्र ४७, एकीकृत समाजवादी १६, जनता समाजवादी १५ र राष्ट्रिय जनमोर्चाले २ निर्वाचन क्षेत्र लिने गरी प्रतिनिधिसभातर्फ सीट वाँडफाँट हुन लागेको स्रोतको दावी छ । ‘कांग्रेसभित्र आन्तरिक विवाद नमिलेपनि सीट बाँडफाँड टुङग्याउन लागेको हो आन्तरिक विवाद कांग्रेस आफैले मिलाउछ’, बैठकमा सहभागी एस पार्टीका एक नेताले भने ।
उनका अनुसार विवाद मिलाउने जिम्मा कांग्रेसको भएकाले बैठकले त्यसबारेमा केही बोल्नै मिलेन । तर विवाद नमिलेसम्म गठबन्धनको सीट बाँडफाँडले खासै महत्व नराख्ने भएकाले छिटो आन्तरिक विवाद मिलाउन देउवामाथि गठबन्धनमा सामेल अन्य दलका नेताहरुले दवाव दिएका छन् ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपइलाममा एकीकृत समाजवादी र राप्रपाको लज्जास्पद हार, झलनाथ थिए चुनावी कमाण्डर !
बैशाख १८, २०८१ मंगलबार
इलाम–२ मा रास्वपाको जमानत जफत
बैशाख १८, २०८१ मंगलबार
इलाम- २ मा एमालेका सुहाङ नेम्वाङ विजयी
बैशाख १८, २०८१ मंगलबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
ताइवानको संसदमा सांसदहरुबीच हानाहान !
जेठ ५, २०८१ शनिबार
करेन्ट लगाएर माछा मर्ने क्रममा एकको मृत्यु
जेठ ६, २०८१ आइतबार
नेप्सेमा उच्च अङ्कको वृद्धि, सवा पाँच अर्ब बराबरको कारोबार
जेठ ६, २०८१ आइतबार
टीओआरमा सहमति जुटेन, सकियो कार्यदलको बैठक
जेठ ६, २०८१ आइतबार
सिटिजन्स बैंकका सबै कार्डहरू अति सुरक्षित छन्, ढुक्कले चलाउनु भए हुन्छ
जेठ ६, २०८१ आइतबार
नेविसंघले माग्यो गृहमन्त्री लामिछानेको राजीनामा
जेठ ६, २०८१ आइतबार