नेपाली कांग्रेसको असन्तुष्ट पक्ष निरन्तर सम्पर्कमा रहेको एमालेको दावी, बन्दसूची सच्याउनेबारे देउवा र कोइरालाबीच छलफल हुँदै
नेपालबहस संवाददाता
असोज १२, २०७९ बुधबार १७:२७:४०
१२ असोज, काठमाडौं । नेकपा एमालेले नेपाली कांग्रेसको असन्तुष्ट समूह पछिल्ला राजनीतिक घटना क्रमका विषयमा निरन्तर सम्पर्कमा रहेको जनाएको छ । एमाले अध्यक्ष केपी शर्मा ओली निवास निकट मानिएका नेताले नेपालबहसलाई दिएको जानकारी अनुसार सत्ता गठबन्धनको सीट भागबण्डाको अन्तिम निर्णय आउन्जेल एमाले पर्ख र हेरको अवस्थामा रहेको छ ।
एमालेले मंगलबार नै कांग्रेसभित्र अन्यायमा परेका नेताहरु आफ्नो पार्टीको सम्पर्कमा रहेको सूचना बाहिर ल्याएको थियो । यता, कांग्रेसमा असन्तुष्ट रहेको भनिएको शेखर कोइराला समूहका नेताहरुले भने एमालेसँग निर्वाचनबारे कुनै छलफल नभएको जनाएको छ । पार्टीको आन्तरिक विवादलाई लिएर विपक्षी दलसँग छलफल गर्नुको अर्थ नभएको कोइराला समूहका नेताहरुको भनाई छ ।
यत, एमाले अध्यक्ष निकट नेताहरुले भने अहिले आफ्नै संगठनका भरमा निर्वाचन लड्ने तयारीमा एमाले रहेको र राप्रपा, लोसपासँग पनि सहकार्यका लागि छलफल चलिरहे पनि कांग्रेस असन्तुष्ट पक्ष्ँबाट अन्तिम निष्कर्ष नआएकाले के गर्ने भन्ने निर्णय नभइसकेको बताएका छन् । उनीहरुले कांग्रेसभित्र संस्थापनको पेलाइमा परेका र अन्यायमा परेको भन्ने साथीहरुसँग कुराकानी भइरहेको दावी गर्दै छलफलले मूर्त रुप लिन बाँकी रहेको बताएका छन् ।
नेपालबहससँगको कुराकानीमा ती नेताले भने, ‘एमाले अहिले गुटबन्दीमुक्त भएको छ । पार्टीमा पहिले संस्थागत गुटबन्दी रहेपनि अहिले माधव नेपाल, प्रचण्डहरू निस्केपछि पिलो निचोरेर फालेजस्तो भएको छ । आफ्नो सरकार ढालेर कांग्रेसलाई सत्ता बुझाउने प्रवृत्तिको अवशेष देखिएको छ । एमालेमै रहेका केही कमरेडमा अझै पनि पुरानै रोग छ । स्थानीय तहको निर्वाचनमा ८५ पालिकामा पार्टीकै अन्तरविरोधका कारण हारेकाले यसपटक सुधार्नुपर्ने प्रयासमा छौँ । तर, कांग्रेसको असन्तुष्ट समूहसँग के हुन्छ यसै भन्न सकिने अवस्था छैन् ।’
कांग्रेसमा विद्रोहको अवस्था आए त्यसको फाइदा उठाउने पक्षमा एमाले छ । बुधबार कांग्रेस सभापति शेरबहादुर देउवाले समाानुपातिकतर्फका उम्मेदवारहरुको बन्दसूची सच्याउने र कोइराला समूहले दिएको नयाँ नामावली समावेश गराउने बताएकाले आज बस्ने पदाधिकारी बैठकले गर्ने निर्णयले नै कांग्रेसभित्रको विवादले कुन मोड लिन्छ भन्ने टुंग लगाउने छ ।
सभामानुपाति सूची सच्याउनेबारे बुधबार विहान सभापति देउवा र शेखर कोइरालाबीच छलफल भएको बताइएको छ । कोइरालासँग आन्तरिक सहमति गरेपछि अन्तिम निर्णय गराउने देउवाले पदाधिकारी बैठक बोलाएका छन् । बैठकमा एमालेसँग भएको छलफलका विषयलाई पनि उठाउने तयारी देउवा पक्षको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइलाममा एकीकृत समाजवादी र राप्रपाको लज्जास्पद हार, झलनाथ थिए चुनावी कमाण्डर !
बैशाख १८, २०८१ मंगलबार
इलाम–२ मा रास्वपाको जमानत जफत
बैशाख १८, २०८१ मंगलबार
इलाम- २ मा एमालेका सुहाङ नेम्वाङ विजयी
बैशाख १८, २०८१ मंगलबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
ताइवानको संसदमा सांसदहरुबीच हानाहान !
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
रुडुबन्चु प्रचारप्रसार र संरक्षण अभावले ओझेलमा
जेठ ६, २०८१ आइतबार
कार्यदलको बैठक छाडेर संसदीय दलको कार्यालयमा आए कार्की र परियार
जेठ ६, २०८१ आइतबार
झापाको बिरिङ र निन्दामा बाढी मापन तथा पूर्व सूचना प्रणाली जडान
जेठ ६, २०८१ आइतबार
राष्ट्रियसभाको बैठक पनि दुई घण्टाका लागि सर्यो
जेठ ६, २०८१ आइतबार
सामूहिक कृषिमा महिलाको आकर्षण बढ्दो
जेठ ६, २०८१ आइतबार
दुःखबाट मुक्ति पाउन मोहिनी एकादशी पर्व मनाइँदै
जेठ ६, २०८१ आइतबार