सिट बाँडफाँडमा जसपाको असन्तुष्टि : गठबन्धनबाट बाहिरिने संकेत, लोसपासँग सहकार्य होला कि ?
नेपालबहस संवाददाता
असोज १५, २०७९ आइतबार ४:४:२१
१५ असाेज, काठमाडौं । गठबन्धनबाट जनता समाजवादी पार्टी (जसपा) बाहिरिने संकेत गरेसँगै सिट बाँडफाँडमा असन्तुष्टि देखिएको छ । सिट बाँडफाँटको विषयलाई लिएर सत्तारूढ गठबन्धनसँग असन्तुष्ट बनेपछि कम्तीमा १५ सिटको दावी गर्दै आएको जसपाले अन्य दलसँग पनि गठबन्धन गर्ने विकल्प खुला राखेको छ ।
पाँच दलीय गठबन्धनको एक घटक जसपा सिट बाँडफाँटमा अन्याय गर्न लागिएको भन्दै असन्तुष्ट बनेको थियो । जसपाका अध्यक्ष उपेन्द्र यादवले सार्वजनिक रूपमै सिट बाँडफाँटमा अहिले भइरहेको छलफलप्रति असन्तुष्टि पोखेर बाहिरिने संकेत गरेका थिए । त्यसको लगत्तै जसपाको आज बसेको बैठकले सिट बाँडफाँडमा आफूहरु सन्तुष्ट हुन नसकेको जनाउदै अन्य दलसँगको सहकार्यलाई विकल्प खुला राखेको हो ।
जसपाको कार्यकारिणी परिषदको बैठक बस्नु अघि धनुषामा आयोजित एक कार्यक्रममा अध्यक्ष यादवले जसपा गठबन्धनबिना चुनाव लड्न सक्षम रहेको धारणा राखेका थिए । ‘सिट बाँडफाँटमा मधेसी, जनजातिको सम्माजनक सम्बोधन भएन भने हामी एक्लै चुनाव लड्न सक्षम छौं,’ उनले भनेका थिए ।
जसपाका अन्य नेताहरूले पनि अध्यक्ष यादवकै शैलीमा पार्टीले मधेसमा एक्लै चुनाव लड्ने चेतावनी दिइरहेका छन् । जसपा स्रोतका अनुसार प्रतिनिधिसभामा मधेस प्रदेशका ३२ सिटमध्ये कम्तीमा १५ स्थान आफूहरूका लागि छुट्ट्याउनुपर्ने जसपाका नेताहरूको अडान राखेको तर गठबन्धनले पेल्न खोजेर नेकपा एस भन्दा तल राख्न खाजेको भन्दै असन्तुष्टि जनाएका थिए ।
साथै खोटाङमा अशोक राईलाई गठबन्धनको तर्फबाट जसपाले पाउने पर्ने अर्को अडान पनि कायमै रहेको छ । त्यस्तै धनकुटामा रकम चेम्जोङलाई उम्मेदवार बनाउनु पर्ने अडान पनि कायमै छ । तर गठबन्धनमा रहेका अन्य दलहरू भने मधेस प्रदेशमा जसपालाई १५ सिट दिन तयार छैनन् । ‘बढीमा १२ सिट जसपालाई दिने गठबन्धनको तयारी छ ,’ स्रोतले भन्यो ‘मधेस प्रदेशमा हाम्रो बटमलाइन भनेको १८ सिट हो। त्यसमा बढीमा २ देखि ३ सिट छाड्न सक्छौं । त्यसबाहेक हामी एक सिट पनि तल झर्दैनौं ।’
मधेस प्रदेशमा जसपाले एक्लै चुनाव लडे पनि कम्तीमा १२ सिट ल्याउने दावी अध्यक्ष यादवको छ । ‘हामी एक्लै चुनाव लडे पनि कम्तीमा १२ सिट नघाउँछौं भने किन गठबन्धन चाहियो ?’ उनले भने आफू निकटका नेताहरुसँग भनेका थिए । जसपा र लोकतान्त्रिक समाजवादी पार्टी (लोसपा) को आधारभूमि मधेस हो । पछिल्लो समय लोसपाका केन्द्रीय नेताहरू एकएक गरी एमालेमा प्रवेश गरिरहेका छन् ।
लोसपा एमालेसँग नजिक हुन खोजिरहेको छ । सिट बाँडफाँटको विषयमा जसपाका नेताहरूले सार्वजनिक रूपमा असन्तुष्टि पोखेपछि लोसपाका केही नेता उत्साहित भएका छन । जसपा गठबन्धनबाट अलग्गिएपछि लोसपा र जसपाबीच गठबन्धन हुने उनीहरूको विश्वास छ । जसपा र लोसपाका बीचमा तालमेल भए त्यो प्राकृतिक हुने र यसबाट दुवै दललाई फाइदा हुने बताइएको छ ।
‘जसपाले गठबन्धन छाड्यो, लोसपा तयार छ दुवै पक्ष मिल्दा मधेशमा अन्य दललाई प्रवेश निषेध नै गर्न सकिन्छ तर जसपा मिल्ने अवस्थामा छैन’, लोसपाका एक नेताले भने । उनका अनुसार पछिल्लो समय एमालेसँग तालमेलको प्रसँग चलिरहेको बेला जसपाले लोसपासँग तालमेलको प्रस्ताव राखेमा सहकार्यको संभावना रहेको छ । लोसपालाई एमालेले ग्रीन सिग्नल दिएको छैन, पर्ख र हेरको अवस्थामा राखेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपइलाममा एकीकृत समाजवादी र राप्रपाको लज्जास्पद हार, झलनाथ थिए चुनावी कमाण्डर !
बैशाख १८, २०८१ मंगलबार
इलाम–२ मा रास्वपाको जमानत जफत
बैशाख १८, २०८१ मंगलबार
इलाम- २ मा एमालेका सुहाङ नेम्वाङ विजयी
बैशाख १८, २०८१ मंगलबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
डीआईजी बढुवाको छलाङले प्रहरीमा चरम नैराश्यता, विवादको घेरामा लामिछाने
जेठ ५, २०८१ शनिबार
तपाईको आजको राशीफल कस्तो छ ?
जेठ ६, २०८१ आइतबार
संसदीय छानबिन समितिको टीओआर बनाउन कानून मन्त्रीको संयोजकत्वमा कार्यदल गठन
जेठ ५, २०८१ शनिबार
उपेन्द्रले सभामुखलाई दिए नयाँ दल बनाएका सात सांसदलाई कारवाही गरेको जानकारी
जेठ ६, २०८१ आइतबार
करेन्ट लगाएर माछा मर्ने क्रममा एकको मृत्यु
जेठ ६, २०८१ आइतबार
नेप्सेमा उच्च अङ्कको वृद्धि, सवा पाँच अर्ब बराबरको कारोबार
जेठ ६, २०८१ आइतबार
टीओआरमा सहमति जुटेन, सकियो कार्यदलको बैठक
जेठ ६, २०८१ आइतबार
सिटिजन्स बैंकका सबै कार्डहरू अति सुरक्षित छन्, ढुक्कले चलाउनु भए हुन्छ
जेठ ६, २०८१ आइतबार