जसपाका मन्त्रीलाई सरकार छोड्न देउवाको अनौपचारिक सन्देश
कुसुम सेञ्चुरी
असोज २५, २०७९ मंगलबार १७:५८:६
२५ असोज, काठमाडौं । प्रधानमन्त्री शेरबहादुर देउवाले जनता समाजवादी पार्टीबाट मन्त्री भएका चारजनालाई पदबाट राजीनामा दिन आग्रह गरेका छन् । उनले सोमबार साँझ उनीहरुलाई राजीनामा दिन अनौपचारिक रुपमा सूचना पठाएका हुन् । प्रधानमन्त्री देउवाले निर्वाचन आचारसंहिता लागू भएकाले नयाँ मन्त्रिमण्डल विस्तार गर्न मिल्ने वा नमिल्नेबारे निर्वाचन आयोगसँग परामर्श गरिरहेका छन् ।
निर्वाचनमा सहकार्य नगरेको भन्दै प्रधानमन्त्री देउवाले उनीहरुलाई राजीनामा दिन आग्रह गरेका हुन् । उनीहरुले राजीनामा नदिए प्रधानमन्त्री आफैले उनीहरुलाई हटाउनेसम्मको चेतावनी दिएको स्रोतको दावी छ । निर्वाचन आयोगले नयाँ बनाउन नमिल्ने तर हटाउन भने मिल्ने जवाफ दिएपछि प्रधानमन्त्रीले उनीहरुलाई बर्खास्त गर्ने तयारी गरेका छन् । सत्ता गठबन्धनको सरकारमा रहने तर तालमेल प्रमुख प्रतिपक्ष नेकपा एमालेसँग गरेपछि सरकारबाट उनीहरुलाई हटाउन लागिएको हो ।
सोमबार प्रधानमन्त्रीले मन्त्री हटाउने र नयाँ मन्त्री नियुक्ति गर्न संविधान र कानुनले बाधा गर्छ कि गर्दैन भनेर केही कानुन व्यवसायीसँग छलफल गरेपनि त्यसबारे बाहिर केही बताएका छैनन् । कानुनविदहरुले हटाउन मिल्ने तर नयाँ बनाउन नमिल्ने भएकाले भइरहेका मन्त्रीहरुलाई जिम्मेवारी थप गर्नसम्म मिल्ने सुझाव दिएका थिए । कानुनविदहरुको सुझावपछि प्रधानमन्त्रीले निर्वाचन आयोगका पदाधिकारीसँग छलफल गरेका थिए ।
एक मन्त्रीका अनुसार प्रधानमन्त्रीले अनौपचारिक रुपमा आफैं नैतिक जिम्मेवारी लिएर मन्त्रीबाट अलग हुन भनेका छन् । केही दिनअघि बालुवाटारमा बसेको गठबन्धनको बैठकमा पनि जसपाका मन्त्रीहरुबारे कुरा उठेको थियो । उक्त समयमा एमालेसँग तालमेल गर्ने तयारीमा जसपा थियो । जसपाका मन्त्रीहरुले तालमेल आफूहरुका लागि स्वीकार नभएको भन्दै बचाउ गरेका थिए । तर, अब उनीहरुलाई सरकारमा राख्न नसकिने निष्कर्षमा प्रधानमन्त्री पुगेका छन् ।
जसपाबाट संघीय मामिला तथा सामान्य प्रशासनमन्त्री राजेन्द्रप्रसाद श्रेष्ठ, भौतिक पूर्वाधार तथा यातायातमन्त्री मोहम्मद इस्तियाक राई, वन तथा वातावरणमन्त्री प्रदीप यादव, कृषि तथा पशुपन्छी विकासमन्त्री मृगेन्द्रकुमार सिंह यादव सरकारमा छन् । जसपाले एमालेसँग सबैभन्दा बढी सीट लिएर सहकार्य गरेको छ । मधेशमा बराबरी सीट र अन्य स्थानमा पनि केही सीट लिएर एमालेसँग सहकार्य गरिरहेको छ । धरानमा अशोक राई र काठमाडौ ७ मा राजेन्द्र श्रेष्ठलाई एमालेले सहयोग गरिरहेको छ ।
र याे पनि,,,,,,
सरकारबाट जसपाका मन्त्रीहरु हटाउने प्रधानमन्त्रीको तयारी !
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपगृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
संसदीय छानबिनको सूचीमा नअटाएको माओवादी निकट गतिशील सहकारीको २ अर्ब हिनामिना
जेठ १६, २०८१ बुधबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
शल्यक्रिया गर्न पालो कुर्नुपर्ने समस्या अन्त्य गरिने
जेठ १९, २०८१ शनिबार
क्यामरा आकृतिको भवन
जेठ १९, २०८१ शनिबार
नेपालगञ्जका विद्यालयमा गर्मी बिदा बढाइयो
जेठ १९, २०८१ शनिबार
दरबार हत्याकाण्डको २३ वर्ष पूरा
जेठ १९, २०८१ शनिबार
युक्रेनले रुसविरुद्ध आफ्नो सीमाभित्र अमेरिकी हतियार प्रयोग गर्नसक्ने
जेठ १९, २०८१ शनिबार
मलाइका र अर्जुनको ब्रेकअप !
जेठ १९, २०८१ शनिबार