सांग्रिला डेभलपमेन्ट बैंकका संस्थापकले ५० हजार कित्ता शेयर बिक्री गर्दै

२५ असोज, काठमाडौं । सांग्रिला डेभलपमेन्ट बैंकका एकजना संस्थापक शेयरधनीले ५० हजार कित्ता शेयर बिक्री गर्ने भएका छन् । बैंकका संस्थापक शेयरधनी सेमराज शाक्यले आफ्नो नाममा रहेको संस्थापक शेयर बेच्न लागेका हुन् ।

यसमा बैंककै संस्थापक शेयरधनी, अन्य कोही व्यक्ति, कम्पनी तथा विभिन्न संघ संस्थाहरुले आवेदन दिन सक्नेछन् । शेयर खरिद गर्न इच्छुक जोकोहीले मंगलबारबाट १५ दिनभित्र आवश्यक कागजपत्रसहित बैंकको केन्द्रीय कार्यालय बालुवाटार काठमाडौंमा निवेदन दिनुपर्नेछ ।

आवेदकले आफूले खरिद गर्न चाहेको सेयर संख्या खुलाएर आवेदन दिनुपर्ने बैंकले जनाएको छ ।