नरैनापुर गाँउपालिकाका अध्यक्षमा देखियो इन्फलुएन्जा , उपचारको लागी भारत लगियो

♦ दीपक शर्मा

३० असोज, बाँके । नरैनापुर गाँउपालिकाका अध्यक्ष इस्तियाक अहमद शाहलाई उपचारको लागी  भारतको लखनउ लगीएको छ । मेडिकल कलेज बाँकेमा उपचार गराइरहेका शाहलाई इन्फलुएन्जा संक्रमण पुष्टि भएपछि थप उपचारका लागी लखनउ रिफर गरिएको मेडिकल कलेज नेपालगञ्ज्का फिजिसियन डाक्टर आसिम किदवाइले बताए ।

उनका अनुसार शाहको छाती दुख्ने , ज्वरो र खोकीको समस्या देखिएको अवस्थामा अस्पताल भर्ना गरिएको थियो हाल खोकि र ज्वरो कम नभएपछि इन्फलुएन्जाको आशंकामा स्याव परिक्षण गरेपछि इन्फलुएन्जा पोजेटिभ देखीएको र सो कुन प्रकारको इन्फलुएन्जा हो त्यसको परिक्षण गर्ने किट नभएका कारणले रिफर गरिएको केदवाईले बताए । शाहलाई लगत्ते छिमेकी देश भारतको लखनउ गरिएको उनको परिवारले जनाएको छ ।