सचिव वडा कार्यालयमा भन्दा योजना फाँटमा मस्त, नागरिकलाई सास्ती

♦ दीपक शर्मा

३१ असोज , बर्दिया । गाँउघरमा शिहदरवार भन्दै भिडने सरकार र दलका नेताहरुलाई बर्दियाको गेरुवा गाँउपालिका वार्ड न १ मा सेवा ग्राहिले महिनौ सम्म सेवा नपाएर सास्ती भोगेको देख्दा काठमाडाैंमा वसेर गाँउघरमा शिहदरवार गैसकेको भन्नेहलाई गिज्याइरहेको छ ।

गेरुवा गाँउपालिका वाड न १ का सचिव प्रदिपकुमार शर्माले पालिकाको योजना फाँट तथा वार्ड न १ को वडा कार्यालय हेर्ने जिम्मा पाएपनि अधिकास समय पालिकाकै योजना फाँटमा भएका कारण स्थानिय सेवाग्राहिलाई सामान्य सिफारिस लिन पनि महिनौ लाग्ने गर्दछ ।

स्थानियवासी मंगल थारुका अनुसार सिफारिसका लागी आउदा आज सचिव छैनन , भोली आउनु भन्छन भोली पल्ट आयो हालत उस्तै आज त सचिव आए होलान भनेर गयो हालत उस्तै , बडा कार्यालयमा सचिव नआउने गरेको स्थानियवासीहरुको भनाई रहेको छ ।

गेरुवा गाँउपालिका योजना शाखामा रहेका प्रदिपकुमार शर्मा वडा कार्यालय भन्दा योजना शाखामै आम्दानी हुने देखिएपछि वडा कार्यालय कम जाने गरेको बताइएको छ । गेरुवा गाँउपालिकाका प्रमुख प्रशासकिय अधिकृत वसबहादुर रानाले योजना शाखा र वार्ड न १ को सचिवको जिम्मेवारी सम्मालिरहेका प्रदिप कुमार शर्मा हाल विदामा भएका कारण सो समस्या आएको बताएका छन । शर्मा मंगलबार सम्म हाजीर हुने रानाले बताएपनि शर्माले पहिलो प्राथमिकता योजना शाखालाई नै दिने बताइन्छ ।

वार्ड अध्यक्ष कर्मप्रसाद थारुका अनुसार जनताका काम रोकिएको हुँदा तत्कालको लागी वार्ड न २ का सचिव भागीराम चौधरीलाई सोमबार वोलाई लामो समय देखि रोकिएका जनताको सेवा प्रबाह गर्ने प्रयास भैरहेको बताए ।

स्थानियवासीले सामान्य सिफारिस सम्म महिनौ दिन देखि रोकिएको भएपनि कसैले केहि वास्ता नगरेको बताउछन । बर्दियाको ग्रामिन भागमा रहेको सो पालिकामा कर्मचारीको अभाव भएमा माग गर्न सकिने अथवा कुनै विकल्प भएपनि जनप्रनिधि लगायत अन्यले वेवास्ता गरेको स्थानियवासीहरको भनाई रहेको छ ।