दुई ट्रक अवैध चिनी सशस्त्र प्रहरीकोे नियन्त्रणमा

२ कात्तिक, काठमाडौं । सशस्त्र प्रहरी बलले अवैध चिनी लोड गरिएका दुई वटा ट्रकलाई नियन्त्रणमा लिएको छ ।

पश्चिम नवलपरासीको प्रतापुर गाउँपालिका-२ र रामग्राम नगरपालिका–५ स्थित भैरहवा परासी राजमार्गबाट २ कात्तिकमा करिब ९० लाख रुपैयाँ बराबरको आठ सय ४० बोरा अवैध चिनीसहित दुई वटा ट्रक सशस्त्र प्रहरी बलले नियन्त्रणमा लिएको छ ।

ना ६ ख २१९७ र लु ख ९८७१ नम्बरको ट्रकमा लोड गरी राखेको उक्त चिनी र ट्रक सशस्त्र प्रहरी बल नेपाल बिओपी हरपुर र महेशपुर भन्सार कार्यालयले बरामद गरेको हो । बरामद चिनी तथा दुवै ट्रक आवश्यक कारवाहीको लागि महेशपुर भन्सार कार्यालयमा बुझाइएको छ ।