गरिमा विकास बैंकका ग्राहकलाई ‘द हिमालयन ग्रीलबाई बाजेको’ मा आर्कषक छुट

४ कात्तिक, काठमाडौं । गरिमा विकास बैंकका ग्राहकलाई ‘द हिमालयन ग्रिलबाई बाजेको’ मा आर्कषक छुट हुने भएकाे छ ।  नेपालकै प्रतिष्ठित रेस्टुरेन्ट‘द हिमालयन ग्रिलबाई बाजेको’ र यस विकास बैंकबीच रेस्टुरेन्टले उपलब्ध गराउने विभिन्न सेवा सुविधामा आर्कषक छुटको लागि सम्झौता भएकाे हाे ।

सम्झौतापत्र अनुसार यस बैंकका डेविट कार्ड तथा मोबाईल बैकिङ प्रयोग गरि बिल भुक्तानी गर्ने ग्राहकहरुले काठमाडौंको सामाखुसीमा अवस्थित ‘द हिमालयन ग्रिलबाई बाजेको’बाट फुड एण्ड वेभरेजमा आकर्षक १५% छुट पाउन भएका छन् ।

उक्त सम्झौतामा विकास बैंकको बजारीकरण विभाग प्रमुख रमेश रिजाल र रेस्टुरेन्ट‘ द हिमालयन ग्रिलबाई बाजेको’अध्यक्ष मौसम कुमार श्रेष्ठ बीच भएको छ ।

हाल, गरिमा विकास बैंकले नेपालभर १२० शाखा कार्यालय, १ एक्स्टेन्सन काउण्टर तथा ५१ एटीएमबाट सरल, सुलभ एवं गुणस्तरीय बैकिङ सेवा दिदै आईरहेको छ ।